Mga bida ng upcoming Kapuso shows, pinakilala sa GMA CSID 2023

MANILA, Philippines — Inilabas na noong Nov. 5 ang GMA Christmas Station ID na may temang #FeelingBlessedNgayongPasko.

Bukod sa touching stories ng pagiging blessing sa kapwa, tampok din sa CSID ang mga naglalakihang artista at mga bagong karakter na susubaybayan ng mga Kapuso.

Kabilang diyan ang mga bida ng Stolen Life na sina Carla Abellana at Gabby Concepcion. Dapat ding abangan si Beauty Gonzalez sa naturang serye na magsisimula na sa GMA Afternoon Prime this Nov. 13.

Naghatid din ng good vibes sa Christmas video ng GMA ang mga bagong Sang’gre na sina Bianca Umali, Faith Da Silva, Kelvin Miranda, at Angel Guardian. Mapapanood din sa Christmas Station ID ang cast ng Shining Inheritance na sina Kate Valdez, Kyline Alcantara, Michael Sager, Roxie Smith, at Ms. Coney Reyes.

Ipinasilip din sa CSID ang bigating cast ng Lilet Matias: Attorney-at-Law na sina Jo Berry, Maricel Laxa, Sheryl Cruz, Rita Avila, Jason Abalos, EA Guzman, at Analyn Barro. Samantala, mula naman sa upcoming series na Asawa Ng Asawa Ko, nagsama-sama sina Jasmin Curtis-Smith, Rayver Cruz, Liezel Lopez, Crystal Paras, at Martin del Rosario para magpaabot ng Christmas feels.

Mapapanood ang GMA Christmas Station ID 2023: #FeelingBlessedNgayongPasko sa official social media accounts ng Kapuso Network.