CEBU, Philippines — Human sa kalamposan sa Eraserheads musical nga Ang Huling El Bimbo, gipangandaman na usab karon sa Newport World Resorts pinaagi sa Full House Theater Company ang sunod nila nga major musical sunod tuig.
Sa ilang Facebook page, ilang gianunsyo nga himoan nila og dula sa entablado ang "Buruguduystunstugudunstuy":Ang Parokya Ni Edgar Musical.
Ang maong titulo kay gibase sa ikaduhang album sa Parokya ni Edgar nga gi-release niadtong 1997 sa Universal Records. Nihatag na og mubo nga video teaser ang frontman sa maong banda nga si Chito Miranda.
Gibuksan na sa niaging adlaw ang casting call sa maong proyekto sa Newport World Resorts didto sa Pasay City .
“You think it's almost over, but it's only on the rise! Dahil pwede mo nang ipakita ang iyong talent sa acting, singing, and dancing and be part of the most anticipated musical this 2024! Need mong career-in ang pagkanta ng any Parokya Ni Edgar song in 16 bars dahil hindi pwedeng trip-trip lang as we are looking for the next theater actors who will make the #Buruguduystunstugudunstuy characters come into life," tipik sa post sa Full House Theater Company.
Pipila sa sikat nga mga awit sa Parokya Ni Edgar kay “Silvertoes,” “Sayang,” “Harana” ug uban pa.