CEBU, Philippines — Human sa iyang kasal sa laing nasud , nibalik na sa iyang trabaho isip artista ang aktres nga si Lovi Poe .Kaninumdoman nga gikasal sila si Lovi ug Monty Blencowe niadtong Agosto 26 didto sa United Kingdom. "From London to Mother Ignacia real quick. And just like that, work mode ON," suma pa sa IG post sa aktres.
Nagkasinabtanay na ?
Dili na gyud mabangbang ang ka-sweet nila ni Joshua Garcia ug sa French-Filipino athlete nga si Emilienne Vigier. Nakabutang sa IG story ni Vigier ang sweet selfie nila ni Joshua. Igo ra mokatawa ang duha kun pangutan-on kalabot sa ilang estado .
Lig-ong relasyon
Ang pagdayeg sa usag-usa maoy sekreto nila ni Nadine Lustre ug sa iyang French-Filipino boyfriend nga si Christophe Bariou alang sa pagmintinar sa usa ka lig-on nga relasyon. Kahinumdoman nga nagkaila ang duha didto sa Siargao .