Ayaw magbigay ng statement Showtime, itinanggi ang delayed telecast sa TV5!

Wala palang nire-release na official statement ang It’s Showtime o ABS-CBN.

Ayon sa isang ABS-CBN insider, walang nanggaling sa kanila na kahit anong statement tungkol sa lumalabas na magiging changes ng oras o airing ng delayed telecast ng It’s Showtime sa TV5 ngayong opisyal na ang pagpasok nina Tito, Vic and Joey sa nasabing network.

Nakalagay nga sa nasabing ‘fake’ statement na sa Kapamilya platforms na lang daw mapapanood ng 12 p.m. ang It’s Showtime habang delayed telecast ito sa TV5 starting July.

Kumalat sa social media ang statement na : “Sa susunod na buwan ay hindi nyo na matutunghayan ang It’s Showtime sa TV5 tuwing tanghalian. Magkakaroon na lamang ng delayed telecast sa hapon.

“Samantala patuloy natin makakasama ang It’s Showtime family tuwing tanghali sa A2Z, Kapamilya Online Live, Kapamilya Channel at iWantTFC.”

Fan blog pala ang nagkalat nun at hindi Showtime account.

Nanatili namang tahimik ang mga host ng It’s Showtime sa mga kaganapan sa Eat Bulaga.