Interpretasyon iba-iba na... aktor tinawag na groomer edad ni Coco at Julia, kinalkal sa inaming 12 years na ang kanilang ‘pagsasama’
Sari-sari ang reaction ng fans sa confirmation ng 12-year relationship nina Coco Martin and Julia Montes.
Actually hindi na nga nila kailangang aminin, pero first time nanggaling sa bibig ni Coco na “12 years na kaming magkasama” sa interview ni MJ Felipe ng ABS-CBN News.
“Nilo-look forward namin ‘pag may project na magkasama kami and then ‘pag may pagkakataon, nakakalabas kami, nakikita kami ng mga tao, pero name-maintain namin ‘yung privacy sa buhay namin,” dagdag ni Coco.
Sa follow-up question si MJ Felipe tinanong niya kung 2011 ba ang anniversary nila.
Sagot ni Coco, “Galing ah!”
“Kasi nagsabi ka na eh!” natatawang kinikilig na dagdag ni Julia habang nasa loob sila ng sinehan at katabi si Cherry Pie Picache.
Sa bandang huli ay sinabi ng actor na “Kung ano siguro ‘yung nakikita, iniisip ng mga tao, ‘yun na ‘yun. Masarap kasi na pribado ‘yung buhay. tahimik. Walang mga isyu. eto, masaya kami.”
Pahayag naman ni Julia : “Kung ano po ‘yung posisyon namin, or narating namin ngayon, blessed kami. And never kasing nawala sa center si God so parang lahat ng nangyayaring good stuff, si God ang gumawa noon.”
Na-corner nga sila sa Unbreak My Heart watch party kung saan holding hands ang dalawa sa red carpet.
Pero confused nga ang fans sa naturang pag-amin nila. Meaning daw, menor de edad pa si Julia nang ligawan ni Coco.
Twelve years ago nang magsama sila sa TV series na Walang Hanggan.
Pero wala silang sinasabi at pulos hula lang.
At nagmalisya na ang ibang fans na meaning si Coco ang nakauna kay Julia?
At ang the height dapat daw makulong si Coco dahil isa siyang ‘groomer.’
Kawawa naman daw si Julia.
Dahil dito nag-trending ang aktres.
Anyway, bukod sa kanilang relasyon diumano’y may anak na sila at magkasama na sa isang bahay.
‘Yun na nga ba ang susunod nilang aaminin?
- Latest
