Gibutyag ni Aubrey Miles nga andam na siya mobalik sa pag-arte . Kahinumdoman nga nibalibad kaniadto si Aubrey sa gitanyag nga proyekto alang kaniya gumikan kay nakatutok siya sa pag-atiman sa anak nila ni Troy Montero.
Thesis defense
Gipasigarbo ni Neri Naig Miranda nga nakahuman na siya sa iyang thesis defense. Kahinumdoman nga nikuha ang aktres og Master’s Degree in Business Administration sa University of Baguio.
Na-trauma sa gugma
Giangkon ni Ciara Sotto nga magbinantayon na siya kun pananglitan dunay modiskarte kaniya. Suma pa sa aktres nga na-trauma siya sa gugma sukad sila nagkabuwag sa iyang bana nga si Jo Oconer niadtong 2016.
Nominado sa Spirit Awards
Nominado alang sa kategoriyang Best International Film ang Pinoy movie nga “Leonor Will Never Die” sa prestihiyosong Independent Spirit Awards. Usa kini ka award-giving body nga nagbase sa Hollywood.
Nauyonan sa netizens
Padayon nga gikagobtan sa netizens ang official music video sa Christmas ID sa ABS-CBN nga “Tayo Ang Ligaya ng Isa’t Isa” nga nakalangkat dayon og minilyon ka views sa YouTube ug Facebook.Kasagaran sa reaksyon sa netizens kay nagkanayon nga dunay lawon nga mensahe ang maong music video nga naghisgot og pamilya ingon man usab ang paghaw-as sa mga tawo gikan sa mga pagsulay niini sa kinabuhi.