Dili lamang una motabok sa pag-arte ang social media influencer nga si Zeinab Harake sanglit niya pa, kontento siya sa iyang nahimutangan isip Youtube vlogger.
Suma pa niya, nakita niya unsa ka lisud ang pag-arte busa dili lamang una siya magpatuga-tuga. Apan sa mga guesting sa variety shows ug talk show, okay ra niya sanglit wala matud pa kini kalainan sa iyang pagka siya nga tabian ug ganahan maglingaw sama sa pagsayaw.
Usa na sa mga endorsers sa Beautederm si Zeinab busa ka level na niya ang mga artista. Ug kun mag-artista naman gyud gani siya, pangandaman gyud niya pa og maayo ang tanan aron dili madismaya ang mga mosalig niya.