CEBU, Philippines — Gipaabot ang hugyaw nga mga presentasyon sa umaabot nga digital concert sa grupong BINI ug BGYO karong Nobyembre 6, ug 7.
Nag-ulohan kini og "One Dream: The BINI & BGYO Concert".
Nasayran nga naglawig og maayo ang career sa maong mga grupo.
Gani nagmalampuson ang pag-release sa ilang mga album nga “Born to Win” ug “The Light".
Kasagaran sa ilang mga awit kay nakasulod sa Top 20 iTunes Songs Chart .
Special guests sa maong concert sila si AC Bonifacio, Kritiko, ug KZ Tandingan.
Character actress
Gipasigarbo ni Mylene Dizon ang iyang pagka- character actress. Dili pud importante alang kaniya nga mahimong bida sa usa ka proyekto.‘Hindi ko naman hinahanap yung pagiging bida’," suma pa ni Mylene.
Dili malimtan
Bisan taod-taod na nga artista si Lauren Young sa GMA-7 , duna gihapon siyay pagpangga sa ABS-CBN sanglit dinhi nagsugod ang iyang showbiz career. Kabahin na sa kinabuhi sa aktres ang kanhi niya mother network.
Andam mag-action star
Andam mahimong actiong star si Miss Universe Philippines 2021 Beatrice Gomez ug okay kaayo niya nga mahimong kabahin sa FPJ's Ang Probinsyano."Willing po ako kahit walang stuntman, gagawin ko," suma pa sa beauty queen sa usa ka episode sa Magandang Buhay.
Kusog sa Spotify
Pipila ka mga Pinoy artists ang gipistahan karon sa Spotify. Kini sama sa singer nga si Zack Tabudlo ,ingon man usab ang grupong BGYO ug SB19. Nasayran nga nakabaton og kusog nga international exposure ang maong artists.
Makauban sa KathNiel
Malakip ang mga bag-ong artista nga sila si Gillian Vicencio ug Bianca de Vera sa comeback series nila ni Kathryn Bernardo ug Daniel Padilla ng “2 Good 2 Be True” . Giangkon sa duha nga dili gyud masukod ang ilang kalipay sa dihang nasayran nila nga malakip sila sa proyekto nga pagabidahan sa sikat nga magka-loveteam.
Maulaw pa
Dili komportable si Francine Diaz kun dunay moingon kaniya nga usa na siya ka maayong aktres. Suma pa sa aktres nga daghan pa siya og agian.
Supportive nga anak
Nidagan pagka-mayor sa Angat, Bulacan ang amahan ni Ella Cruz. Suma pa sa aktres nga mohatag gyud siya og oras alang sa kampanya niini. (Sanden J. Anadia)
Mo-adjust sa kondisyon ni Jen
Mapasalamaton kaayo si Jennylyn Mercado sa GMA-7 gumikan kay gitugtan siya niini nga humanon nalang sunod tuig ang iyang teleserye nga 'Love, Die, Repeat' .
Kahinumdoman nga bag-ohay lang gianunsyo ni Jen nga nagsabak siya ug enagged napud sila sa iyang boyfriend nga si Dennis Trillo.
Nasayran nga kinahanglan og saktong pahuway si Jen gumikan sa iyang kondisyon.
"Maraming salamat sa aking GMA family for understanding my condition and allowing me to still finish “Love, Die, Repeat” next year once I am ready to work again," tipik sa Facebook post ni Jen.
Nagsugod ang showbiz career ni Jen sa GMA-7 pinaagi sa reality show nga StarStruck.
"I love my GMA family, from the moment I started as an actress nafeel ko na hindi lang ako artista sa network, kungdi parte ng pamilya nila,"dugang pa niya. (Sanden J . Anadia)
Jaclyn nasuko kang Albie
Wala mahimout si Jaclyn Jose sa pag-ugkat ni Albie Casiño sa kontrobersiya niini kaniadto ug sa iyang anak nga si Andi Eigenmann. Nasayran nga nasaypan kaniadto si Albie nga maoy amahan sa anak ni Andi.
Kanhi mag-uyab sila si Albie ug Andi ug nag-agi og kagubot ang ilang relasyon. Una na nga gipadayag ni Albie nga grabe gyud ang kasakit ang nahiagoman niya kang Andi kaniadto. Napungot pag-ayo si Jaclyn lang Albie sanglit usa ka dekada na ang nilabay ug gibanhaw pa gyud niini ang isyu.
"YOU want the truth? Gusto mo sabihin ko in public pano mo bugbugin anak ko? Kahit buntis? Try moko," buwelta ni Jaclyn ngadto kang Albie pinaagi sa social media post.