Karaan na matud pa ang viral video diin nakita nga nagvideoke sila si Marco Gumabao ug Ivana Alawi. May mga nahugyaw sanglit sweet kaayo ang duruha samtang nagtupad og lingkod diin gihapuhap ni Marco ang paa ni Ivana nga nagkanta. Matud pa, wala pay pandemya dihang nakuha ang maong video. Wala sab palawmi ni Marco ang tubag niya sa pangutana kun inspired ba siya karon. Sa virtual media conference sa iyang teleserye nga Di Na Muli sa TV5, niingon si Marco nga kanunay siyang inspired.
Julia, naulaw
"Drama Princess Royalty of the Century" ang titulo nga gigamit pagpaila kang Julia Barretto atol sa virtual media conference sa teleserye niya sa TV5 nga "Di Na Muli" diin leading men niya sila si Marco Gumabao ug Marco Gallo nga puros Viva Artist Agency talents sama niya. Ug reaksyon ni Julia: “I’m flattered, I’m grateful, and I don’t know… nahihiya ako. Parang there’s still so much work I should be doing but I’m grateful for that. Thank you kasi parang, kumbaga, na-recognize din ako in some way or another.”
Ang Ginoo ang magbuot
Diretso ang tubag ni LJ Reyes kabahin sa pagpasaylo atol sa exclusive interview ni Nelson Canlas kaniya ug gipakita sa 24 Oras adtong Martes. "For me, hindi kasi siya madaling bagay na ibigay. So, surrender lang talaga kay God, and I'm working on it." Atua na sa Amerika nagbase si LJ kauban ang duha niya ka mga anak human sa panagbuwag nila ni Paolo Contis.