Aktres na super ganda, hirap ­angguluhan ng director sa katabaan

Maraming nagkokomento na sana raw ay pinaghandaan muna ng isang pamosong aktres ang muli niyang pagharap sa mga camera. Sana raw ay hindi muna siya bumalik sa pag-arte na may masasabi ang publiko tungkol sa itsura niya.

?Maganda pa rin ang female personality, wala pa ring kupas ang kanyang kagandahan, pero ang kanyang katawan ay nangangailangan ng milagro.

?Kuwento ng aming source, “Maraming nakakakita sa kanya ang hinayang na hina­yang. Walang panghihinayang sa ganda niya dahil sa totoo lang, marami pa ring pakakai­nin ng alikabok ang beauty niya.

?“Makinis pa rin ang kutis niya, flawless pa rin ang girl, walang kadumi-dumi ang ba­lat niya. siguro nga, isang pimple lang, e, mala­king problema na para sa kanya!

?“Para kasing walang pores ang skin niya, hindi papasukin ng kahit anong dumi, super kinis pa rin talaga niya,” puro papuring reaksiyon ng aming impormante.

?Pero maraming miron ang nanghihina­yang. Sana raw ay pinaghandaan niya muna ang pagbabalik sa pag-arte dahil sa napakabigat niyang timbang.

?Patuloy ng aming source, “Ang point lang naman ng mga miron, e, napakaraming panahon ang pinalipas ng girl na hindi man lang siya nag-exercise.

“Ano ang ginawa niya sa ilang taong hindi siya umaarte? Natulog lang siya sa mag­hapon at magdamag? E, hindi pa naman sa­nay ang mga tao na makita siyang ganyang kasyuba!

“Sana, binigyan niya muna ng pagkataon ang sarili niya na makapagpapayat para kapag humarap na siya sa mga camera, e, mambubulaga siya! Kaso, ang mga tao ang nabulaga sa sobrang laki ng katawan niya!” napakadiin pang kuwento ng aming source.

?Magaling pa ring umarte ang female persona­lity, hindi nabalagoong ang kanyang talento, pero may malaking problema ngayon ang kanyang direktor.

?Pahayag uli ng aming impormante, “Natural, iingatan ni direk ang mga anggulo niya dahil kung hindi, magmumukha siyang ate ng lea­ding man niya! Magmumukha naman siyang tita ng iba pa nilang kasamasa movie!

“Hahanapan na lang siguro siya ng anggulo ngayon ni direk, haha­napin na lang ang pinakamagandang anggulo niya na hindi siya magmumukhang tita ng ka-partner niya.

?“E, ang leading man pa naman niya, yummy pa rin ang dating, mukhang sa gym na ‘yun nakatira! Sayang ang face value, naternuhan sana ng may kurbang katawan!” nasabi na lang ng aming source sa kanyang pagtatapos.

?Ubos!

Loyalty ni Angel, binubulabog na naman

Sa lahat ng mga personalidad ng ABS-CBN na nagbigay ng komento tungkol sa pag-alala nila sa anibersaryo ng pinakamadilim na yugto ng network ay itinatangi namin ang naging pahayag ni Angel Locsin.

Kung nu’ng mismong ipasarado ang istas­yon ay pinupog siya ng mga bashers dahil sa mga litanya niyang punumpuno ng galit, sa pagbabalik-tanaw niya sa unang anibersaryo ng kawalan ng prangkisa ng ABS-CBN ay nahimasmasan na si Angel, mababa na ang kanyang tono. Ganu’n naman talaga, nadadaig lang tayo ng emosyon sa una, pero sa paglipas ng mga panahon ay pumapasok na ang pagtanggap kasunod ang analisasyon sa naganap.

Maging ang pagtanggap niya sa paglipat ng network ng kanyang mga kasamahan sa ABS-CBN ay tanggap din niya. Wala siyang sinabing anumang parinig tungkol sa kawalan ng utang na loob at kawalan ng lo­yalty sa kanilang istasyon.

Inilagay ni Angel ang kanyang sarili sa sapatos ng kanyang mga kapwa artistang nangangailangan ng trabaho para makaraos sa buhay. Wala siyang parinig, inu­nawa niya ang senaryo, napakasarap pakinggan.

?Nanatili ang katapatan ni Angel sa ABS-CBN. Tama siya sa kanyang opinyon na hindi iniiwan ang sinuman sa panahon ng paghihirap at sa gitna nang matinding pinagdadaanan.

?Pero siyempre, gaano man kaganda ang kanyang hangarin ay meron pa ring mga taong nambubulabog sakanya sa social media, nagbabait-baitan lang daw si Angel dahil totoo namang wala na siyang babalikan pa sa GMA-7.

?“Wala nang pintuang magbubukas para sa kanya sa GMA-7, tinalikuran niya ang network na napakalaki ng milagrong ginawa sa career niya, pinala­labas pa niyang ABS-CBN ang nagbigay nu’n sa kanya.

“Alam pala niya ang meaning ng lo­yalty? Ngayon lang niya ‘yun naisip? Ibi­nigay ba niya ‘yun sa GMA-7?” komento ng isang basher.

Hindi maiiwasan ang mga ganu’ng komento, bahagi ng pinasok niyang trabaho ang hindi pagpaning sa kanya ng iba, ang mahalaga ay nauunawaan ni Angel ang buhay ng kanyang mga kasamahang artistang kailangang makapagtrabaho para kumita ngayong panahon ng pandemya.

?Siya naman ay may ipon, nagkakaroon pa siya ng ibang pinagkakakitaan, kapag may laman daw ang kaban at bulsa ng tao ay hindi mainitin ang kanyang ulo.