CEBU, Philippines — Giuwan og mga pagsaway si Miss Universe Bulgaria Radinela Chusheva human siya namahayag nga dili haom sa iyang kadaugan si Miss Universe Mexico Andrea Meza. Lakip sa gibato nga intriga ngadto kang Radinela ang matud pa gipalit sa iyang boyfriend ang iyang kadaugan isip pambato sa Bulgaria, ug nga retokada siya’g lawas. Bugtong ang tsika nga pinalit niya ang iyang korona ang gitubag ni Radinela pinaagi sa pag-ingon nga wala siyay boyfriend, wala siyay karelasyon. Sa tsika sa retoke, puros sexy photos ang gi-upload ni Radinela aron sungogon og samot iyang bashers.
Buwag na gyud
Hingpit na nga gikumpirma ni Jennica Garcia nga nagbuwag na sila sa ni Alwyn Uytingco pito ka tuig human sa ilang intimate wedding niadtong 2014. Sa exclusive interview sa GMA Network.com nga gipagawas niadtong Huwebes sa gabii, nagkanayon si Jennica: "From a family-of-four, we are now just a family-of-three, sacrifices must really be made." Duha ang anak nila ni Alwyn ug Jennica nga sila si Mori, 4, ug Alessi, 3. Wala gibutyag ni Jennica ang rason, apan niingon siya nga ang maong break-up maoy rason nganong kinahanglan na niyang motrabaho. Malakip si Jennica sa umaabot nga GMA7 afternoon series Los Hermanas.
Na-burnout gyud
Ang pagka burnout ang gitumbok nga rason ni John Lloyd Cruz ngadto kang Willie Revillame nganong nibiya siya sa showbiz og mga tulo ka tuig. Nagbonding sila si Willie ug John Lloyd kauban ang uban pang mga higala didto sa beach resort sa TV host sa Puerto Galera niining bag-o lang. Gibutyag ni Willie sa iyang show sa GMA7 niadtong Huwebes nga gilaay si John Lloyd nga trabaho, katulog, trabaho ang inadlaw niyang gimbuhaton. Hinuon, balik showbiz na si Lloydie ug ubos na karon sa pagdumala sa Crown Artist Management nga gipanag-iya ni Maja Salvador.
For adults only…
Panawagan ni Sunshine Guimary nga bantayan matud pa ang mga menor de edad aron dili makatan-aw sa iyang launching movie nga “Kaka” sanglit labihan matud pa ka sexy sa iyang love scenes dinhi nga pang adults only. "Dito sa Kaka, pati sa puwet, kita. Yung bed scene, as in total na bed scene na bed scene, yung walang tape o talagang walang takip na ganyan," niya pa. Nabalaka siya nga kay sa Vivamax, Ktxph ug uban pang streaming apps kini isalida, makahigayon gyud ang mga menor de edad og tan-aw sa iyang pagbukaka sanglit daghang mga bata karon nga maayo na kaayo sa pasikot-sikot sa internet.
Si Ruru na
Si Ruru Madrid ang guest co-host ni Sef Cadayona karong Domingo sa game show nga Game of the Gens sa GTV sanglit nananghid na ang regular co-host nga si Andre Paras nga mo-concentrate na siya sa iyang training isip labing bag-ong sakop sa Blackwater Elite sa PBA. Pangandoy gyud ni Andre ang masulod sa PBA, hinungdan nga karon nga naa na gyud siya sa maong kalibutan, ihatag gyud niya ang tanan nga iyang makaya isip basketball player.
Edward, giprangkahan ni Maymay
Giprangkahan ni Maymay Entrata ang iyang kanhi ka loveteam nga si Edward Barber nga malisud na ibalik ang kaniadto kun nabuak na ang pagsalig.
Kahinumduman nga nakugang ang ilang fans sa nilabay nga tuig human nahukman nga magbuwag na sila og mga dalan ug nipagawas sila og pamahayag nga, "We both are still very young, and there is so much more we still want to achieve in our lives."
Apan niadtong May 19, sa finale episode sa Kwentong Barbero show ni Edward sa Kumu, ni-guest si Maymay. Dinhi nangutana si Edward: “Maymay, is there still a chance?” Walay detalye kun naunsa sila ug unsa gyu’y nahitabo, niprangka si Maymay ngadto sa kanhi niya ka loveteam.
“Sige magpakatotoo na tayo. Kagaya ng sinabi mo kanina yung mga pagkakamaling nagawa. Ang pinakamahirap kasi sa'kin kapag nasira na 'yung tiwala ang hirap mabalik. Alam mo yun, kahit bigyan natin ng mahabang panahon para mabigyan ng pagkakataon na para may maging chance pero alam natin sa sarili natin na mahirap maibalik yung tiwala na nawala.”
Niingon hinuon si Maymay nga aduna pay kahigayonan alang sa ilang loveteam.
“May pag-asa na maibalik yung pagiging komportable natin sa isa't- isa bilang una at pinakamalapit na kaibigan sa pagsisimula natin sa industriya. At kahit anong mangyari nandito pa rin naman ako para suportahan ka. Ayoko rin magpaasa lalo na at sa ngayon nahanap ko yung saya na gusto ko. At nahanap ko yung saya na yun nung panahon na walang kahit sinong tumulong, nandyan para sa akin,” niya pa.
Naningkamot diay’g basa
Gitubag na ni Miss Universe 2012 Olivia Culpo ang intriga nga hasta siya nakugang nganong si Miss Mexico ang nidaog hinungdan nga nagmug-ot ang iyang nawong pagkakita niya sa resulta. Matud ni Culpo, medyo nakugang ang iyang dagway sanglit ni-concentrate gyud siya og basa aron dili siya masayop og announce sa winner.
“May nanalo na!”
Si RK Bagatsing na mismo ang nag-upload og video nila ni Jaine Oineza nga nikumpirma nga magkarelasyon na gyud sila. Kini gumikan kay sa maong video, naghawok silang duruha sa wala pa nisayaw og “Chosen” nga gi-upload ni RK sa iyang Tiktok account.
Pakpak gyud si Tyra!
Bow gyud si Supermodel Tyra Banks sa kaanyag sa mga Pinay. Nikomento gyud siya sa tweet ni Miss Universe Catriona Gray nga nagkanayon nga intense o higpit kaayo ang pageant karong tuiga. Komento ni Tyra: Pretty Pinoy Forever!