CEBU, Philippines — Gikasal na si Luis Manzano ug Jessy Mendiola. Kini kun basehan ang tubag ni Angeli Pangilinan, asawa ni Gary V nga, “love you Luis and TFTI for your wedding hahaha. Congrats son! Can’t forget when you visited us. Love to the wifey (with three heart emojis). Una niini, nikomento si Luis og, “recover well tita (with heart emoji). Nasayran nga nataptan og Covid-19 si Angeli. Samtang, suma pa sa dictionary.com, ang TFTI nagpasabot nga “thanks for the invite.” Kasagaran matud pa kini nga gamiton “in a sarcastic way,” kun wala ka imbitara. Pwede sab ni, “thanks for the info.”
Pagka bulahan!
Sunod-sunod ang mga pelikula ni Janine Gutierrez karong tuiga. Tsika niya sa PUSH, human sa Dito at Doon nila ni JC Santos, may pelikula pa siya nga nahimo, ang Best of Show nga comeback project sa director nga si Aureus Solito human sa unom ka tuig, ug may lain pa siyang pelikula kauban si Pepe Herrera nga gi-shoot nila didto sa Sorsogon. Excited pud siya sa iyang unang teleserye sa ABS-CBN sanglit wala pa niya nahimo ang ingon niini nga istorya masukad.
Nagselos kang Derek
Gibutyag ni Vin Abrenica sa ilang latest vlog ni Sophie Albert nga nagselos siya kang Derek Ramsay kaniadto. Nahitabo ni dihang nagkuyog silang tulo ug may nangutana kang Sophie kun may ka relasyon ba siya. Tubag ni Sophie: I’m seeing someone.” Napungot si Vin sanglit barkada ra matud pa niya si Derek apan wa gyud siya angkona niini sa atubangan ni aktor. Apan depensa ni Sophie, unang higayon kadto nga nahimamat niya si Derek ug wala siya nasayud nga barkada diay kini ni Vin. Pero maayo gani wala siya nideny kun may karelasyon ba siya.
Replay lang ‘sa
Suspendido una ang live airing sa It’s Showtime gumikan sa pagsaka sa Covid cases didto sa Manila. Hinungdan nga replay una ang gipakita sa maong noontime show. Ingon niini sab ang sitwasyon sa Happy Time sa Net 25. Ang Brightlight Productions padayon sa ilang paglingaw sa viewers sa TV5 matag udto, samtang ang Eat Bulaga may mga na tape na nga episodes ug maoy ilang isalida, lakip na ang ilang tinuig nga Lenten Special.
Dili mga hilas!
Bilib kaayo si Sylvia Sanchez sa iyang co-stars ug maoy mga bida sa primetime series “Huwag Kang Mangamba” nga nagsugod na sa ABS-CBN kagabii. Sila mao ang Gold Squad nga gilangkuban nila ni Andrea Brillantes, Kyle Echarri, Francine Diaz ug Seth Fedelin kinsa unang nisikat pinaagi sa toprating ug toptrending series Kadenang Ginto. Suma pa ni Sylvia, dili mga dagko og ulo ang mga nahisgutan, matinahuron ug mga maayo pa gyud mo-arte. Alang kang Sylvia, ang Gold Squad maoy mga umaabot nga superstars sa industriya basta dili lang gyud mausab ilang batasan.
Ivana’s ideal guy
Walay uyab, walay karelasyon. Kini maoy giklaro sa usa sa labing sikat nga vloggers sa Pilipinas nga si Ivana Alawi sa interview ni Toni Gonzaga nga gipakita niadtong Domingo.
Kun makauyab man gani siya, gusto niya Pinoy, kay mahigugmaon ug mapinanggaon niya pa kaysa “afam” o foreigner. Family-oriented sab ang Pinoy. Type niya ang nindot og pahiyom.
Ganahan siya og bright ug “goal driven” pud. Tulo ka bulan na ang nilabay sukad may ka date siya.
Cocojul, nasigpatan sa Boracay!
Spotted niadtong Domingo sa Boracay ang hagbay rang gidungog nga may relasyon-- ug gani giingong may bunga pa gyud ang ilang pagminahalay nga usa ka anak—nga sila si Coco Martin ug Julia Montes.
Bisan og nag-mask ug face shield ang mga nahisgutan pagpailawom nila sa security inspection sa local airport didto, natino nga ang mga nahisgutan gyud ang tua didto base na sab sa posts sa ilang nagkadaiyang fan accounts sa Instagram sukad pa niadtong Domingo hangtud nga nag-viral na ang maong hulagway.
Ang caption sa usa ka Instagram fan page (@binibiningjuls) nagkanayon: “BORACAY BIRTHDAY TRIP YES!!!!
Nasayran nga gisaulog ni Julia ang iyang 26th birthday niadtong March 19.
Laing IG fan page, ang juliam.glow, nagkanayon: “Coco and Julia spotted in Boracay! This made my heart jump in joy and happiness. Enjoy your vacation our dearest Cocojul.”
Si Rico ni?
Gisungog na sab ni Ruffa Gutierrez si Maris Racal niadtong Biyernes.
Kini human nag-upload og hulagway si Maris sa iyang IG account.
Caption ni Maris niini: "u make me feel special."
Dinhi nihirit si Ruffa nga nagkanayon: "I make you feel special?? [nagbahakhak ug heart emojis] stay happy Maris!"
Grinning with star eyes emojis lang ang tubag ni Maris niini, nga mahimong sabton nga nahimuot o nalingaw siya sa maong comment ni Ruffa.
Apan ang mga netizen nagduda nga aduna gyu'y nasayran si Ruffa ug nga si Rico Blanco ang gipasabot ni Maris.
Engaged na!
Engaged na sila si Tom Rodriguez ug Carla Abellana. Sa managlahi nga posts sa ilang tagsa-tagsa ka IG accounts dungan nila nga gipahibawo ang maong engagement niadtong Domingo sa udto.
Caption ni Tom sa ilang hulagway ni Carla dungan sa paggilak sa engagement ring, mao ang tipik sa poem ni Pablo Neruda nga nagkanayon: I love you without knowing how, or when, or from where. I love you simply, without problems or pride: I love you in this way because I do not know any other way of loving but this…"
Ang kang Carla, may caption nga, "A million times, YES." Unom ka tuig ug tunga silang magkarelasyon sa wala pa ang ilang engagement.