Sumsuman karon ang IG post ni Coco Martin human nabantayan sa usa ka netizen ang feeding bottle sa likod sa actor. Walay laing gisulti ang netizen mahitungod sa hulagway, apan pinaagi niini, nabanhaw ang tsika mahitungod sa gitago nga relasyon sa actor ug ni Julia Montes, diin gituohan nga aduna na silay anak.
Kab-uton ang pangandoy
Suwayan ni Andre Paras og kab-ot ang iyang pangandoy nga mamahimong PBA player pinaagi sa pagsalmot sa PBA Drafting karong March 4, 2021. Ni-submit na si Andre sa iyang application niadtong December 22. Karon todo workout ug practice si Andre kauban sab ang iyang manghod nga si Kobe kinsa sakop sa Gilas Pilipinas ug UP Maroons. Niadtong Biyernes lamang natapos ang teleserye nga gilangkuban ni Andre sa GMA7 nga mao ang Descendants of the Sun nga gibituonan nila ni Dingdong Dantes ug Jennylyn Mercado.
Christmas surprise
Gisorprisa ni KC Concepcion ang iyang mama Sharon Cuneta pinaagi sa pagtambong niini sa Christmas eve celebration sa ilang pamilya. Gikalipay kaayo kini ni Shawie kinsa ni-post sa Instagram sa ilang hulagway tibuok pamilya ug may caption nga puno sa pagdayeg sa ka maayo sa Ginoo. Si KC sab nag-upload og photo nila ni Sharon ug may caption nga, “A quiet, peaceful, heartfelt Christmas with my Queen. Merry Christmas, loves!” Wala nalimod ngadto sa publiko nga dili maayo ang pagsinabtanay sa inahan ug anak niining nakalabay nga mga bulan.