Iza back to taping na

Back to work na si Iza Calzado.

Yes, kahapon nga ay nag-start na sila ng taping for Ang Sa Iyo ay Akin with Sam Milby and Jodi Sta. Maria with Maricel Soriano ayon sa isang source.

At hindi lang daw basta rapid testing ang ginagawa sa cast and crew na papasok sa lock-in taping nito, kundi swab testing para makasiguro ang production na hindi sila malulusutan ng kahit anong uri ng virus.

Dapat daw kasing maging mas maingat na talaga ngayon ang production dahil sa latest reports, mahigit 200 scientists mula sa 30 na bansa ang sumasang-ayon sa World Health Organization na seryosohin ang possibility na airborne spread nga ang COVID-19 dahil sa patuloy na pagdami ng kaso ng may novel coronavirus sa buong mundo kahit na nga sinasabi pa ring sa droplets ito nakukuha. Kaya patuloy ang pagpapaalala ng maraming health officials na maghugas ng kamay, ugaliin ang social distancing at ‘wag kakalimutan ang pagsusuot ng face mask.

Anyway, going back to Iza, COVID-19 survivors si Iza bilang patient 878.

March 20 nang magkaroon siya ng pneumonia at naikuwento niya sa mga lumabas na interview na na-infect ng Acinetobacter baumannii bacteria ang kanyang baga na nagpalala sa nararamdaman niya noon.

Awa ng Diyos ay super healthy na uli siya.