Alden sasabak sa drama

SEEN: Ginamit ni Willie Revillame ang kanyang private plane sa Singapore trip niya noong Biyernes. Kasama ang kanyang mga co-host sa Wowowin, lumipad si Willie sa Singapore para sa contract signing niya kahapon para sa WilToPlay, ang bagong mobile app na may iba’t-ibang klase ng casual games  at may mga premyo na mapapanalunan ang mga maglalaro na inspired ng success ng Wowowin, ang top-rating game show ni Willie Revillame sa GMA -7.

SEEN: Ang WilToPlay ang banner offering ng Synergy88 ng Pilipinas at August Media Holdings ng Singapore. Tumagal ng dalawang taon ang negosasyon sa pagitan ni Willie Revillame, ng Synergy88 at August Media Holdings bago nabigyan ng go-signal ang WilToPlay.

SEEN: Spotted sa NAIA Centennial Terminal 2 noong Sabado ang lovers na sina Tom Rodriguez at Carla Abellana dahil sa kanilang out of the country trip.

SCENE: The Gift ang working title ng primetime television series ng GMA-7 na pagbibidahan ni Alden Richards. May mga hinala na kukunan sa Maynila ang mga eksena ng The Gift dahil sa courtesy call ni Alden kay Manila City Mayor Isko Moreno.

SEEN: Lumipad sa Kuala Lumpur, Malaysia si Mrs. Universe Philippines Patricia Javier dahil susuportahan niya ang laban ni Lovely Gervacio-Tajan, ang official representative ng Pilipinas sa Mrs. International Global 2019. Oobserbahan din ni Patricia ang mga kaganapan sa Mrs. Internatio­nal Global bilang paghahanda niya sa Mrs. Universe competition sa November 2019.

SCENE: Si Patricia Javier ang official delegate ng Pilipinas sa Mrs. Universe 2019. Nagpapasalamat si Patricia dahil sa California, USA at hindi na sa Europe ang coronation ng Mrs. Universe 2019 sa November 2019.

SEEN: Lumipad din ang cast ng Love Thy Woman sa Singapore dahil dito kinunan ang ilang mga eksena ng upcoming drama series ng ABS-CBN. Ang Love Thy Woman ang reunion ng real-life loveteam nina Xian Lim at Kim Chiu.