Andrea napagbibintangan na naman!

SEEN: Malaking karangalan para kay Marco Gumabao na nakatrabaho niya si Edu Manzano sa pelikula nilang Just A Stranger, ang upcoming movie ng Viva Films na pinagbibidahan nila ni Anne Curtis.

SCENE: Flattered si Marco Gumabao sa sinabi ni Jonas Gaffud, national director ng 20th Manhunt International, na puwedeng-puwede siya na maging representative ng Pilipinas. Hindi interesado si Marco na sumali sa nabanggit na male modeling competition dahil mahiyain siya, kahit may mga sexy pictorial ang aktor para sa isang brand ng underwear. Hindi minana ni Marco ang interes sa mga beauty pageant ng kanyang kapatid na si Michele Gumabao, ang Miss Globe Philippines title-holder noong 2018.

SEEN: Unfair ang mga bintang at haka-haka na si Andrea Torres ang dahilan ng break up nina Derek Ramsay at Joanne Villablanca. Hindi makatarungan na palaging napagbibintangan na “third party” si Andrea sa mga relasyon na nawawasak.

SCENE: Malapit nang tapusin ang drama series ng major television network dahil ni minsan, hindi pa nananalo sa ratings ang programa na pinagbibidahan ng isang mapagpanggap na aktres.

SEEN: Sina Jak Roberto, Vangie Labalan at Archie Alemania ang featured guests sa Raket Hero, ang Sunday afternoon episode ng Dear Uge, ang comedy anthology ni Eugene Domingo sa GMA-7.

SCENE: Nag-aral si Willie Revillame na magpalipad ng helicopter para makaiwas siya sa matindi na traffic situation sa Metro Manila. Malaking oras ang natitipid ni Willie sa tuwing binibisita nito ang kanyang high-end hotel sa Tagaytay City at ang beach resort niya sa Puerto Galera.