Kapatid ni Ruru pasok sa Starstruck

SEEN: Ang clarification ni Julie Anne San Jose na kasali at hindi front act sa The Sweetheart and the Balladeer: Fun Night Only sina Donita Nose at Super Tekla. Itatanghal sa The Atrium ng Limketkai Center, Lapasan, Cagayan de Oro City na second leg ng regional show nina Julie Anne, Christian Bautista, Donita Nose at Super Tekla.

SCENE: Bukod sa Cagayan de Oro City concert, pinaghahandaan ni Julie Anne San Jose ang Julie Sings the Divas, ang solo concert niya sa July 20 sa The Theatre ng Solaire.

SEEN: Ang makagawa ng maraming pelikula ang main goal ni Christian Bautista dahil gustung-gusto niya na umarte. Tanggap ni Christian na hindi stable ang pagkakaroon showbiz career kaya pinaghahandaan niya ang kinabukasan.

SCENE: “I am proud of him,” ang sagot ni Julie Anne nang tanungin tungkol kay Enzo Almario, ang kasamahan niya noon sa Sugarpop na nag-come out bilang gay. Contestant si Enzo ng Idol Philippines ng ABS-CBN.

SEEN: Star material si Maurie Obligacion, ang lovechild ni Aubrey Miles at ng former actor na si JP Obligacion. Ang mga katulad ni Maurie ang dapat na sumali sa Season 7 ng Starstruck. Starstruck Season 7 contestant si Rere Madrid, ang kapatid na babae ni Ruru Madrid. Inilapit na noon si Rere sa ABS-CBN pero ang GMA 7 pa rin ang nagbigay sa kanya ng break sa showbiz. 

SCENE: Si Pops Fernandez ang producer ng Feelennial, ang comedy movie nina AiAi Delas Alas at Bayani Agbayani na ipalalabas bukas, June 19, sa mga sinehan. Puring-puri ni AiAi si Pops dahil maasikaso ito na producer dahil alam niya ang mga pangangailangan ng kanyang kapwa artista.