CEBU, Philippines — Gipaambit sa talent manager- host nga si Ogie Diaz nga bisan sa grabeng katugnaw nga ilang nasinati sa New York City, nagmalamposon gihapon matod pa ang tulo ka adlaw nga shooting nilang Liza Soberano ug Enrique Gil alang sa ilang Valentine's movie nga Alone/Together. “Si Enrique nagluluha ang mata dahil sa lamig. Si Liza naman, yung hand warmer lagi niyang inilalagay sa tenga niya dahil sumasakit sa lamig,"sigon pa sa manager ni Liza.
Miawhag sa publiko
Miawhag ang Autism Society Philippines ngadto sa publiko nga undangon niini ang pagbuhat og "The Boyet Challenge" sa social media. Nahimo kining trending human gisunod sa publiko ang karakter ni Boyet nga gidala sa aktor nga si Ken Chan sa GMA-7 teleserye nga My Special Tatay. "The Autism Society Philippines condemns the latest social media experiment called "The Boyet Challenge" as thinly-veiled instruments of ridicule of those who live with #autism and intellectual disabilities,"sigon pa sa ASP
Okay ra
Gipaambit sa singer/actor nga si Ariel Rivera nga bukas matod pa siya sa posibilidad nga makauban sa usa ka proyekto ang ex-girlfriend niya nga si Regine Velasquez ug asawa nga si Gelli de Belen. Kahinumduman nga sa uyab pa si Ariel ug Gelli kaniadto, dungan nga nakigrelasyon ang aktor ngadto kang Regine.“Oh, yeah. We’re friends with her. Nagkasama na kami sa ASAP,”sigon pa sa aktor.
Tulo ang nominado
Duha ka mga Filipino-Americans ang nalakip sa official list of nominees sa 91st Academy Awards o The Oscars. Sila mao ang cinematographer nga si Matthew Libatique ug animation short film makers nga sila si Trevor Jimenez ug Bobby Pontillas . Sa kasaysayan sa Oscar Awards, usa pa lang ka Fil-American ang nadaog ug siya mao ang songwriter ug composer nga si Robert Lopez,kinsa nisuwat sa Oscar winning original songs nga "Let It Go" sa Frozen ug "Remember Me" sa Coco.
Nataypan sa hurado
Nakadawat og mga pagdayeg gikan sa mga hurado sa American talent show nga "The World's Best" ang hugyaw performance sa TNT Boys nga sila si Keifer Sanchez, Mackie Empuerto,ug Francis Concepcion . Gikanta sa tulo ang “Listen” ni Beyonce. "I have a soft spot for kids. I was a kid performer. I have kids now. This is a whole other thing. You possess a gift. You're just that good," suma pa sa usa sa mga hurado nga si Drew Barrymore .
Okay na kaha?
Human gidungog nga wala nagtingganay, nag-post og mga sweet video sa ilang Instagram account silang Angelica Panganiban ug Carlo Aquino. Usa sa mga video nipakita nga gihagad ni Carlo si Angelica og usa ka date. Giingong nag-uban ang duha tungod kay nag-shoot sila sa commercial sa usa ka food chain endorsement.
Nakulbaan
Giangkon sa komedyante nga si Boobay nga nakulbaan gyud siya sa dihang nahibaw-an niya nga ang Gandang Gabi Vice ang kaatbang sa programa nila ni Tekla nga “The Boobay And Tekla Show (TBATS)”. "Siyempre kaba, pero sabi ko kaya ibinigay to kasi may tiwala [ang GMA] na meron kaming puwedeng i-offer sa mga manunood, kaya ang ano sa amin ngayon...ang responsibility namin ay gawin kung ano ang dapat naming ibigay sa mga manunood,” suma pa ni Boobay.
Gitubag ang netizens
Gitubag ni Gabbi Garcia ang duha ka netizens kinsa giingong nagtumo-tumo og istorya kalabot niya ug sa aktor nga si Ruru Madrid. "Hahaha kayo ang nakakalungkot kasi gumagawa kayo ng sarili niyong istorya,"tubag pa sa Kapuso actress.