Mommy D., may sakit, di nakalipad ng Vegas
MANILA, Philippines — May sakit pala si Mommy Dionisia Pacquiao kaya wala siya rito sa Las Vegas para sa laban ni Sen. Manny Pacquiao kay Adrien Broner ngayong umaga, Manila time, Sabado ng gabi sa Las Vegas.
Kaya walang amiga niya ang nagkalat sa MGM Grand Vegas.
Pero sure naman daw na makakarating dito ang ‘powers ng dasal’ ng sikat na nanay ni Pacman.
Pag kasi present sa laban si Mommy D., ramdam sa paligid dahil nga sa friends niyang kasama at siyempre ng boyfriend niyang mas bata sa kanya.
Ganunpaman, excited na ang mga Pinoy sa laban ni Pambansang Kamao para sa WBA Welterweight title. Ngayon pa lang, usap-usapan na sa social media ang laban na ito kaya naman may kanya-kanya na silang pa-countdown, ha! Kahit nga sa Las Vegas ito magaganap, thankful ang karamihan dahil masasaksihan pa rin nila ang laban sa GMA-7 simula 10 ng umaga at maging sa iba pang Channel.
May mga kakilala akong pumusta pero hindi masyadong malaki.
- Latest