CEBU, Philippines – Nagpunsisok gyud sa mga sinehan ang CarGel fans sa unang adlaw sa pagpasalida sa pelikulang Exes Baggage niadtong Miyerkules.
Ang pelikula nila ni Angelica Panganiban ug Carlo Aquino nikita og P21,7637,015.11 sa maong adlaw.
Nagmaya og maayo si Angelica sa dihang naabot kaniya ang maong balita ug nagpasabot kini nga padayong gihangop sa publiko ang ilang tandem.
Nasayran nga nagka-uyab ang duha kaniadto busa nisamot kakuryuso ang moviegoers sa maong pelikula.
Padayon usab nga trending sa social media ang paglugwa nila sa Gandang Gabi Vice sa miaging gabii.