CEBU, Philippines — Nahimong emosyonal ang panagtagbo nilang Queen of All Media Kris Aquino ug It's Showtime host Vice Ganda atol sa block screening sa pelikulang I Love You, Hater niadtong Sabado.
Si Vice maoy sponsor sa maong block screening sa pelikulang gibidahan nilang Kris, Joshua Garcia ug Julia Barretto.
Wala matod pa kapugngi ni Kris ang pagtulo sa iyang luha tungod kay nakita niya nga nalipay kaayo ang anak nga si Bimby pagkakita niini sa idolo nga si Vice.
Nihirit sa paglenggua si Kris ngadto kang Vice nga “Na-miss ka namin.”
Kahinumduman nga taod taod na nga bugnaw ang tinagdan sa duha. Duna pu’y higayon nga gibalibaran ni Kris si Vice nga malakip sa pelikula niini sa miaging tuig.