CEBU, Philippines – Nakatungtong og box-office milestone ang romance-drama film nga “Kasal” nga gibidahan nila ni Bea Alonzo, Paulo Avelino, ug Derek Ramsay.
Sa social media post sa Star Cinema, nasayran nga ang maong pelikula nikita na og P100 million, 13 ka adlaw sukad kini gipasalida niadtong May 16.
Wala pa sad nasuta ang kita niini sa international screenings.
Nasayran nga gipasalida usab ang “Kasal” didto sa Middle East, Brunei, Papua New Guinea, US, Canada, Saipan, Guam, UK, Italy, Austria, Spain, Australia, New Zealand, Hong Kong, ug Singapore.
Tipik sa 25th anniversary celebration sa Star Cinema ang “Kasal” nga mikita og P10M sa unang adlaw niini.