CEBU, Philippines — Giasoy sa Kapamilya actress nga si Janella Salvador nga motoo siya nga ang mga tawo aduna gyu’y soulmate. Aduna na matod pa siya’y gipanglantawan nga posible nga mao iyang soulmate apan dili pa siya sigurado. Daghan ang nagtuo nga si Elmo Magalona ang gipasabot sa aktres.
Para sa mga anak
Gipaambit ni Sunshine Cruz ang rason nganong nibalhin siya sa GMA-7 ug gidawat ang proyekto nga gitanyag sa maong network. Niya pa, nag-inusara ra siyang nagbuhi sa iyang mga anak busa gikinahanglan niyang magdoble kayod. Dili matod pa niya usikan ang gitanyag kaniya sa GMA ilabi na nga lead role pa gyud kini.
Rason sa pag-resign
Mipasabot ang singer nga si Aiza Seguerra nganong ni-resign siya sa iyang posisyon isip chairman sa National Youth Commission. “I like the public service part, but the politics, not my style. Nakita ko rin na iba ang case ng crab mentality within, may ganun,” butyag pa niini.
Dili niya feel
Wala’y pugong-pugong nga giangkon sa sexy actress nga si Ara Mina nga nakasuway na siya og gamit og sex toys sa rason nga “out of curiosity”. “Hindi ko feel! Kasi nawawala yung ano mo. Parang pagna-try mo na at nasa real thing ka na, nahihirapan kang mag-respond,”pabuhagay pa sa aktres.
Nag-atiman sa anak
Gipaambit ni Jaclyn Jose ang rason nganong nilaylo sa trabaho sa showbiz ang anak niyang si Andi Eigenmann. “Nawalan din kasi siya ng enough time to take care of Ellie.Kaya nag-decide siya na mag-lie low nang kaunti,” taho pa sa inahan.
Laban lang gihapon
Gitino mismo ni Popstar Royalty Sarah Geronimo nga dili tinuod nga moretiro siya sa showbiz human sa nahitabong breakdown sa concert niini didto sa Las Vegas, Nevada,USA. “Binigay na nga sa akin ‘to, mag-iinarte pa ako? Mawawala din ‘to, ‘no? So hanggang meron, go lang, di ba? Ipon tayo, ganyan, trenta na. Kailangan po talaga tuluy-tuloy lang,” asoy pa sa singer.
Mituman ni Erich
Daghan ang nakurat sa bag-ong look karon sa Kapamilya hunk actor Jake Cuenca diin gipaputlan niini ang taas niyang buhok. Gisunod matod pa sa aktor ang sugyot sa bag-o niyang leading lady. Si Jake ang bag-ong nalakip sa main cast sa teleseryeng The Blood Sisters nga gibidahan ni Erich Gonzales.
Nauyonan ang simbahan
Gibutyag sa Miss World Manushi Chillar nga ganahan siya makasal puhon sa San Agustin church human nangangha sa kanindot niini atol sa iyang pagbisita dinhi sa nasud. “I got to go on a little sightseeing tour. I bought a capiz lantern and I went to the San Agustin church. I want to get married there,”sigon pa sa beauty queen.
Wala mitiwas sa concert
Gipaambit ni Megastar Sharon Cuneta nga wala siya nihuman og tan-aw sa concert ni Bruno Mars didto sa Mall of Asia Arena sa niaging semana kini matod pa kay naglain ang lawas sa iyang anak nga si Yellie ug dili sab siya makasugakod sa sobrang saba si Gugie. Bisan ganahan kaayo siya motan-aw ni Bruno, mas gipili niyang atimanon ang mga anak ug nipauli.
Midepensa kang Angeline
Gilabanan ni Lea Salonga si Angeline Quinto gikan sa bashers niini. “One, ang punong walang bunga ay hindi binabato. Two, ang mga gumagawa ng ganoon ay duwag. Mas maraming nagmamahal sa iyo keysa hindi. Magpakatatag lang,”tweet pa sa Broadway diva.
Gi-bash sa followers
Gi-bash si Jinkee Pacquiao sa iyang Instagram followers kay daw sige kini og panghambog sa social media sa mga branded nga mga sinena niini. Sigon pa sa usa ka netizen, sukwahi kini sa Christian virtue of humility o gitudlo sa simbahan nga pagpaubos kanunay. Gitubag ni Jinky ang tanang ni-bash kaniya mahitungod sa iyang post.