CEBU, Philippines — Pagabidahan nila ni Bela Padilla ug Arjo Atayde ang upcoming film nga On the Job 2 nga ubos sa direksyon ni Erik Matti ug gisuwat ni Michiko Yamamoto. Gipaabot ang dili basta-basta nga mga aksyon nga eksena sa maong pelikula.
Nakat-onan ni Erich
Nakat-onan matod pa ni Erich Gonzales sa niagi niyang relasyon nga dili dapat ihatag tanan kung mahigugma sa usa ka tawo. “As cliché as it may sound, do not give your all when you fall in love. Una talaga sa lahat is you have to guard your heart above anything else,” sigon pa sa aktres.
Miangkon na gyud
Hingpit na nga giangkon sa aktres nga si Aiko Melendez ang relasyon nila ni Subic Mayor Jay Khonghun. Sa wala pa niangkon, daghan na ang nakakita nga nag-uban ang duha sa usa ka department store ug sa concert ni Maja Salvador sa niaging buwan. Buwag sa unang asawa ang 40 anyos nga mayor ug may usa ka anak nga lalaki.
Nipakilig sa fans
Gibayaw sa kakilig ang fans nilang Sarah Geronimo ug Matteo Guidicelli sa dihang nag-duet sila sa awit nga “Bakit Ngayon Ka Lang,” “Forevermore,” “The Prayer,” ug “Let’s Stay Together.” Gilingaw sa kapamilya lovers ang mga higala niini pinaagi sa pagkanta atol sa bakasyon nila sa El Nido Palawan.
Hugyaw nga cover
Nanghasi na usab sa online world si Morisette Amon human nag-trending ang pagkanta niini sa hit song nga “Never Enough” sa pelikulang The Greatest Showman. Giingong naglingkod lang si Morisette samtang nibirit sa chorus sa maong awit. Ang singer unang nailhan sa The Voice Philippines ubos sa Team Sarah.
Nanungog sa bashers
Giklaro sa rumored couple Joshua Garcia ug Julia Barretto nga wala sila’y problema sa usag-usa sukwahi sa pasangil sa uban nga nagkaproblema ang ilang relasyon ug hapit na kining magbuwag. Nagpadungog-dungog ang duha ngadto sa ilang bashers pinaagi sa pag-post og mensahe sa Twitter.
Pamalandong ni Dong
Nakapamalandong ang Kapuso Primetime King Dingdong Dantes atol sa semana santa human siya gipangutana sa anak nga si baby Zia kung si kinsa kadtong gilansang sa krus sa simbahan ug ngano daw nga aduna kini dugo. Gipasabot ni Dingdong ang anak ug sa tago, nakapangutana sab siya sa susamang pangutana.
Nipabilib na pud
Nipabilib na sab sa mga hurado sa Ireland’s Got Talent” ang Pinay nga si Shaniah Rollo kinsa mikanta sa awit nga ‘Wings’ nga gipasikat ni Birdy atol sa semifinals sa maong singing competition. Kanunay’ng mag-trending ang matag performance ni Shaniah sa nahisgutang show.,
Nakasabot ni JL
Suportado sa komedyante nga si Jobert Austria ang desisyon sa co-star niya sa Home Sweetie Home nga si John Lloyd Cruz sa desisyon niini nga mopahuway una sa showbiz. “Kung ano man yung desisyon niya sa buhay niya, suportado mo siya bilang kaibigan at saka malalim ang pinagsamahan namin,”sigon pa sa komedyante.
Lawasay diay!
Gibandira sa Abrenica brothers nga silang Aljur, Vin, ug Allen ang ilang mga lawas atol sa bakasyon nila sa Palawan atol sa semana santa. “Kunin ang sinaing, andito na ang ulam!” komento pa sa usa ka netizen ngadto sa hubu nga mga hulagway sa managsuon sa Instagram.
Supportive husband
Todo atiman ang aktor nga si Marco Alcaraz ngadto sa nagsabak nga asawa nga si Lara Quigaman. “Daddy duty muna ako for now. Timing din natapos ang show ko, si Lara ang may work. At least may time ako for my family,”butyag pa ni Marco.