Prince Harry minamadali ang kasal nila ni Meghan Markle
RATED A - Aster Amoyo (Pilipino Star Ngayon) - February 14, 2018 - 12:00am

Alam mo, Salve A., tiyak na aaba­ngan ng buong mundo ang nalalapit na pag-iisang dibdib nina Prince Harry at ng kanyang L.A. born and raised American actress fiancée na si Meghan Markle.

Si Prince Harry (33) at Meghan (36) ay nakatakdang ikasal sa darating na May 29, 2018, ganap na ika-7 ng umaga sa St. George Chapel na matatagpuan sa grounds ng 1000-year-old Windsor Castle, ang official residence ng grandmother ng groom-to-be na si Queen Elizabeth II, at ina ni Prince Charles.

Ang wedding ceremony ay io-officiate ng Archbishop ng Canterburry na si Archbishop Justin Welby na siya ring nagbinyag sa dalawang anak ng nakatatandang kapatid ni Prince Harry na si Prince William at asawa nitong si Kate Middleton na sina Prince George at Princess Charlotte.

Minadali ng Kensington Palace ang kasal nina Prince Harry at Meghan dahil gusto ng una na makadalo sa kanilang wedding ang kanyang paternal grandfather na si Prince Philip, now 96 years old habang kaya pa nito. 

Ang wedding reception ay gaganapin sa St. George’s Hall pagkatapos ng carriage procession matapos ang wedding ceremony. Kinagabihan ay maghu-host naman si Prince Charles ng isang wedding dinner reception sa isang undisclosed pang lugar.

Dahil magiging miyembro na ng British Royal Family si Meghan, siya’y nakatakdang binyagan at i-confirm sa isang Catholic church in England at ina­ayos na rin ang kanyang British citizenship.

 Yasmien first time kay Mike

Sa kabila ng pagkakaroon ng asawa’t anak ng singer-actress na si Yasmien Kurdi, patuloy pa rin itong pinagkakatiwalaan ng GMA ng lead roles tulad na lamang ng kanyang upcoming afternoon TV series na Hindi Ko Kayang Iwan Ka. Pinagtatambalan nila ito for the very first time ni Mike Tan.

Sina Yasmien at Mike ay parehong produkto ng reality talent show na StarStruck. 

Although parehong Kapuso actors sina Yasmien at Mike, ngayon lamang sila nagkatrabaho sa isang TV series kung saan sila gumaganap na mag-asawa. Ang nasabing serye ay tumatalakay sa sakit na HIV/AIDS.

Sharon hindi pa rin maka-move on kay April

Ang character ni Sharon Cuneta na si April Mondragon sa kanilang 1981 hit movie ng ex-husband niyang si Gabby Concepcion na Dear Heart ang gamit ng Megastar sa kanyang isa pang Facebook account.

Memorable kay Sharon ang naging papel niya sa Dear Heart dahil first movie niya ito at first team-up din nila ni Gabby na kanyang naging mister at ama ng kanilang kaisa-isang anak na si KC Concepcion. Pero halos tatlong taon lamang tumagal ang kanilang pagsasama bilang mag-asawa at ito’y nauwi sa kanilang paghihiwalay in 1987.

Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with