Melai nakaraos na sa second baby
Baby girl muli ang second baby ng dating Pinoy Big brother Big Winner at isa sa mga host ng daily morning show ng ABS-CBN, ang Magandang Buhay na si Melai Cantiveros na kanyang isinilang last Sunday, April 9 ng hapon.
Wala pang sini-share na pangalan ang mag-asawang Melai at Jason Francisco sa kanilang second baby girl, ang bunsong kapatid ng kanilang panganay na si Amelia “Mela” Lucille na tatlong taon na.
Noong isang taon ay nagmuntik-muntikanang mabuwag ang pagsasama ng mag-asawa nang dahil sa insecurity ng mister ni Melai.
Coco proud sa pagkapanalo ni Awra
Very proud ang FPJ’S Ang Probinsyano lead star na si Coco Martin sa kanyang discovery at young co-star sa serye, ang child actor-comedian na si McNeal “Awra” Briguela sa pagkakapanalo nito bilang grand winner sa kauna-unahang Your Face Sounds Familiar Kids na nagtapos last Sunday ng gabi, April 9 sa Newport Performing Arts Theater ng Resorts World Manila.
Matapos gayahin ni Awra ang American singer-rapper, songwriter at model na si Nicki Minaj, siya ang pinaboran ng mga manonood via text votes at ng tatlong hurado na sina Sharon Cuneta, Gary Valenciano at Ogie Alcasid.
Bea at Gerald hindi na nagtatago
Wala mang kumpirmasyon na nagmumula sa kanila, hindi maikakaila nina Gerald Anderson at Bea Alonzo na espesyal ang turingan nila sa isa’t isa matapos silang magsama sa isang hit movie last year, ang How To Be Yours na dinirek ni Dan Villegas for Star Cinema.
Madalas ding makitang magkasama sina Gerald at Bea sa mga espesyal na okasyon at kasama na rito ang taunang event ng International Balloon Festival 2017 sa Lubao, Pampanga.
Sina Gerald at Bea ay nagkaroon ng brief relationship in 2010 na agad nauwi sa kanilang paghihiwalay dahil sa strong opposition noon ng mga fans ng Kimerald nina Kim Chiu at Gerald.
Ryza lume-level na kay Katrina
Kung effective na kontrobida sa mga teleserye ang Kapuso star na si Katrina Halili, mukhang may ibubuga rin talaga ang isa pang Kapuso actress na si Ryza Cenon na napapanood sa sinusubaybayang panghapong serye ng GMA, ang Ika-6 Na Utos kung saan tampok sina Sunshine Dizon at Gabby Concepcion kasama si Mike Tan.
Maraming followers ng Ika-6 na Utos ang galit sa character ni Ryza, isang patunay na effective ang kanyang pagiging kontrabida.
- Latest
