CEBU, Philippines - Gikatakdang aduna’y comeback nga mahitabo sa ere ang sikat nga telefantasya sa GMA-7 nga Encantadia .
Nasayran nga usa kini sa nalakip sa listahan alang sa mga bag-ong programa sa maong network nga ilusad sunod tuig.
Sa report sa 24 Oras, gibutyag sa GMA Chairman and Chief Executive Officer sa GMA-7 nga si Atty. Felipe L. Gozon nga naglinya ang mga serye karong 2016.
“Napakarami nating mga bagong programs na ila-launch, hindi lamang itong fourth quarter kung hindi well into next year. And as far as I’m concerned, I think they are better in terms of ratings generation than the previous ones that they will replace,” suma pa ni Gozon.
Wala hinuon gitataw kung adaptation o lain na pud ba nga hugna sa Encantadia ang idalit sa maong istasyon.
Kahinumduman nga labihang sikata sa Encantadia kaniadto nga nagsugod niadtong May 2005. Sa AGB Nielsen, ang highest TV rating niini kaniadto nitala og 51.7%.
Ang maong telefantasya naghisgot sa istorya sa upat ka nga magsuon nga sila si Pirena (Sunshine Dizon), Amihan (Iza Calzado), Alena (Karylle), ug Danaya (Diana Zubiri). Sila maoy naghupot sa gahom sa kayo, tubig, hangin ug yuta.
Gumikan sa kalampusan niini, nasundan kini sa Etheria ug Encantadia: Pag-ibig Hanggang Wakas.