Sana matapos na ang iringan sa pagitan ng mag-inang Sharon Cuneta at KC Concepcion. Hindi na maganda ang madalas na pag-i-emote ni Megastar sa kanyang panganay.
Nakasisira na ito sa anak niya. Lahat naman ng sakripisyo ng mga magulang ay obligasyon nila sa kanilang mga anak. At hindi naiiba rito ang Megastar.
Kris baka makarma ang pelikula sa pinaggagagawa kay Mayor Bistek
Inapi raw ni Kris Aquino sa billing ng MMFF (Metro Manila Film Festival) movie nila si Quezon City Mayor Herbert Bautista.
Ano ka ba naman, Kris? Kulang na lang ay tanggalin mo siya sa cast ng movie. Hindi ka pa ba nakaka-move on? Kung hindi mo keri na makasama siya, eh ‘di huwag nang ipilit.
Kesa naman kung anu-ano mang pang-aapi sa kanya ang ginagawa mo. Baka makarma ang movie mo.
Playgirls ginawa lang ang trabaho
Dapat lang na sisihin kung sino man ang nagdala sa Playgirls para magbigay kasiyahan sa may kaarawang pulitiko at mga bisita sa pagbibigay ng nakakakiliting dance number.
Huwag nang sisihin ang mga nagsipag-perform dahil trabaho nila ‘yun.
Kung ayaw ng ganung pagtatanghal ang mga nanonood ay dapat sinabihan na agad ang mga performers para napalitan nila ang kanilang gagawin.
Alden inililihim na kung saan pupunta
Hindi na raw makapunta basta-basta si Alden Richards sa maraming lugar na dati niyang pinupuntahan dahil dinudumog na siya ng mga tao. At kahit gaano karami ang security niya, ay hindi nila nakakayang i-secure siya.
Kaya ang nangyayari, madalas nang ilihim kung saan siya pupunta para masiguro ang kanyang kaligtasan.