CEBU, Philippines - Nahimutang sa una nga spot, sa iTunes’ Philippine song chart ang latest single ni Alden Richards nga “Wish I May” nga gi-release pa lang niadtong September 2.
Nalabwan ni Alden ang awit ni Justin Bieber nga “What Do You Mean” nga nahimutang sa ikaduhang puwesto.
Nakatungtong sa ikatulong puwesto ang awit ni Taylor Swift nga “Wildest Dreams” nga kabahin sa iyang album nga 1989.
Samtang sa laing bahin, ang self-titled album niadtong 2013 maoy highest-selling album sa Pilipinas , kini suma pa sa iTunes.
Ang “Haplos” maoy titulo sa carrier single sa unang album ni Alden kung diin naglabaw kini sa Album sa Eraserheads nga Anthology ug sa album sa 5 Seconds of Summer nga Sounds Good, Feels Good .
Kahinumduman nga nipirma si Alden og recording contract sa GMA Records sa miaging buwan. (Sanden J. Anadia)