Domingo na..BisChika na! Paambitan kaninyo sa inyong SweetKabutanding ang mga kasikas sa kalibutan sa showbiz. PangBuenaMano kaninyo sugdan nato sa Kinsa Siya??? Usa ka young actress ginganlan na nila og Ms. A??? Dili A for Approved, dili pud A tungod Accredited ug labaw sa tanan dili pud A kay Amazing! Sigon pa sa atong KSI (kinsa siya insider) gideadma sa young actress ang awarding sa usa ka event nga apil siya, ang iyang mga kauban nangita na sa young actress kay bisan og anino waleh! Ang ending si young actress ginganlan karun nila og Ms.A as in Attitude! Hahahahahaha! Kinsa siya? Gwapa, mestiza, mubo ug hapit na nato siya makit-an pagbalik sa telebisyon para sa iyang bag-ong teleserye. Di ba bongga si Ms. A!
A para sa Applauded ang bag-o lang nahuman nga Carmen Copper Corporation Night 2013 diha sa Barba Sports Complex sa Toledo City kay ang inyong Yur’s truly mao ang nahimong host sa maong kalingawan nga nakapaHugyaw sa mga nisaksi kay kauban nako ang mga Divas. Kinsay dili maHugyaw nga naa si Enerva Diva a.k.a Angry Bird Diva, Lady Eva a.k.a QueenSize Diva ug ang mga Closet Dolls a.k.a AnnaKareNina. Pag-abot pa lang namo sa mga divas derecho dayon sa simbahan para managkot for a safety trip. Pagsulod namo sa dressing room sa maong complex dili lang diay mga divas ang naa, naa pud ang ABS-CBN Kapamilya Mas Winner Ka dancers ang KnapSack, nga hataw kaayo sa dance floor. Jam to highest level usab kay naa ang Stage Crew, abi nako nga dili na sila active sa industriya pero nasayop ko, as in they are still IN! pa karun sa music industry. Gani, happy ko to see the old members nga naa lang gihapon and take note mga SweetKabutanding ang ilang lead vocalist gwapo ug naay double impact sa appeal. Pero papa Rommel Tuico gihapon ko! Hahahahaha! Makalingaw ang among pasundayag kay duna’y mga games ug prizes ang gipahatag. Nahuman ang maong gabii nga puno sa mga buhakhak, pakpak sa mga Toledohanon, mao nga A! Rating ang mugna! Ayaw usab kamo kalimot sa umaabot nga July 13, 2013 ang Carmen Copper Corporation with CCC Ladies Association will proudly present CCC Night featuring Side A band back to back with Rocksteddy band. Kini pagahimuon sa CCC Recreation Center 8:30pm, pahinungod kini sa umaabot nga kapistahan sa Our Lady of Mount Carmel Parish ug kining pasundayag para makatabang sa Mount Carmel Parish Church ug sa ilang mga activities labi na ang mga outreach program sa CCLA. Para sa mga gustong mopalit og tickets adto lang sa Our Lady of Mt Carmel Parish Office, Daisy Grace Store, Copper and Gold Store ug sa CCC Admin Bldg. Para sa dugang detalye sa maong event tawaga lang ang kini nga numero 0915 5716415 look for Joy. Mapasalamaton kaayo ko ni Ms. Cleo Albiso sa Wishful Concepts Event Production- Ideas that fly nga wala gyud ko niya kalimti hehehehhe. Murag ga reunion ang among show kay kauban mi kanhi sa usa ka cellphone company. Nagkita mi og balik usab ni Partner Joy! To the Resident Manager of CCC Mr. Cocoy Cal, Superintendent of Community Relations Mr. Neil Papas, Col. Leo Acebedo ang Security Director ug ang tanang CCC employees salamat sa hugyaw gayud nga suporta. Tungod kay karung adlawa Father’s Day...Happy Father’s day sa tanang tatay All Over the World labi na sa akong Papa Eddie nga naa diha karun sa San Carlos City. Akong mensahe para kanimo Papa, magkinaunsa man ang panahon, We love you! Para sa gustong e-treat ang ilang mga papa karung adlawa the best suggestion nga akong mahatag kaninyo kay mao kini: Showing pa hangtud karun ang movie nga Dance of the Steel Bars starring Dingdong Dantes. Manghinaut ko nga kung aduna kamo’y budget para magrelax- relax inyo kining tan-awon sa SM Cinema dili tungod kay naa ko, ( hahahahahaha!), kundili mao nga makasabot kamo sa kinabuhi sa atong mga CPDRC dancing inmates. Para sa dunay mga e-plus card ipakita lang kini ninyo naay 50% nga discount. O di ba bongga!
Sa mga sisterettes nako diha basin mao na kining imong gipaabot para mo-shine ang inyong beauty. Karung adlawa, 10a.m. sa J-Centre Mall, Mandaue City mao ang audition sa Eat Bulaga’s Super Sirena, Kung ikaw nag edad og 18 years old and above, unsa pa ang inyong gipaabot? Lugwa, Tikang, Go! na dayon ug ayaw kalimot pagdala og 3R pictures, one whole body ug close up. Ayaw usab kalimti sa pagdala ang imong music material para sa imong talent. Basin ikaw na ang musunod nga Eat Bulaga’s Super Sirena. Kita Kits mga Kapuso!