CEBU, Philippines - Hello! Buwan na gayud sa Hunyo ug buwan na sad para sa mga brides. Daghan kaayong magpakasal basta June, pero nganong Hunyo man sa tanang buwan? Ingon sila, ang buwan sa June kay gipangalan after ni Juno, ang Roman goddess sa kaminyuon.Naghatag matud pa kini og kabulahanan ug kalipay kung ikaw magpakasal sa iyang buwan. So sa tanag mga June brides diha, best wishes ninyong tanan. Kung ikaw nagplano pa lang sa imong kasal, pwes, sakto gyud kay karong adlawa, maghatag ako og top10 Most Romantic Places to Get Married in Cebu kun akoy inyong pangutan-on ug pabut-on:
10. Bantayan Island - Kung imong dream wedding kay naa sa beach ug gusto kang layo sa syudad, perfect ang isla sa Bantayan. Tulo ka oras nga byahe gikan sa syudad sa Sugbo, ang Bantayan ang saktong lugar para sa mga gagmay nga kasal. Daghang resorts didto nga pwede makapahiluna sa imong ceremony ug reception. Nindot pod kini mahimong lugar bakasyonan pagkahuman sa kasal para maka enjoy pod imong mga guests.
9. Redemptorist Church - Usa ang Redemptorist Church sa labing ka sikat ug labing daghan og kasal sa mga simbahan sa Cebu. Hamugaway kaayo ang lokasyon niini, kay naa kini sa tunga sa syudad. Nindit nga simbahan, dili karaan, kada tuig nga i-renovate mao nga daghan gyud ang magpakasal diri. (Contact person : Miss Marites 2536315)
8. Sacred Heart Parish - Paborito kini nga simbahan sa kasagarang magpakasal ilabi na sa Filipino-Chinese community. Nindot ang desinyo sa simbahan, modern ug elegante kini, ug pwede kang mogamit sa aircon.
7. Archbishop’s Palace - Usa sa mga labing intimate nga simbahan sa Cebu ang Archbishop’s Palace. Kung gamay lamang imohang bisita ug gusto ka’g hilom imong kasal, mao kini ang sakto ug perpektong simbahan. Mao kini ang mismong pinuy-anan sa arsobispo ug anaa kini mahimutang sa D. Jakosalem Street.
6. Badian Island Resort and Spa - Kung gusto ka’g daplin sa dagat, mingaw, unya dako-dako imong budget, adto na sa Badian Island Resort and Spa. Usa ka world-class nga hotel sa lungsod sa Badian, duha ug tunga sa oras ang byahe gikan sa dakbayan sa Sugbu. Mobyahe pa ka’g five minutes sakay og speedboat padung sa isla. Sikat kini nga resort sa ilang spa, mao nga pwede ka magpamasahe o imong guests ba kaha, pagka human sa inyong kasal para makumpleto ilang experience sa isla.
5. San Pedro Calungsod Shrine - Late last year, gibuksan ang San Pedro Calungsod Shrine sa SRP. Bag-o, modern, futuristic ug nindot ug mga suga ang kining chapel nga gipahinungod sa Bisayang Santo nga si San Pedro Calungsod. Duol pod kini sa dagat so romantic ug dili samok. Dako pod ang parking area mao nga dili maglisod sa inyong mga bisita.
4. Chateau de Busay - Kung ikaw gusto makita ang tibuok syudad sa Sugbo, ibabaw sa bukid, samtang naay nindot nga fireworks display inig sulti nimog “I do†sa imong mahimong asawa, ang Chatueu de Busay mao ang labing saktong lugar para nimo. Kumpleto sila sa mga packages ug dili kaayo sila grabe ka mahal. Pwede didto ang gagmay ug bongga nga mga kasal.
3. Sumilon Island - Kung ang kaputi sa balas ug ka tin-aw ug ka asul sa dagat ang imohang gustong mahimong backdrop sa imong kasal, adto sa Sumilon Island nga gidumala mismo sa Buewater Resorts. Naa mahimutang sa lungsod sa Oslob, pwede nimo labangon ang isla sulod sa 30 mins. Sikat kini sa ilang puti kaayo nga sandbar. Pribado kini nga isla mao nga kamo ra gyuy magtikaw-tikaw kung imong rentahan ang tibuok isla sa inyong kasal.
2. Cebu Metropolitan Cathedral - Usa sa labing sagrado, makasaysayon ug labing nindot nga desinyo nga simbahan para sa kasal mao ang Cebu Metropolitan Cathedral. Ang desinyo niini naimpluwensya sa mga Kastila. Bag-o lang usab kining gi-renovate mao na nisamot kanindot ang sulod nga bahin sa simbahan ug airconditioned sab kini.
1. Shangri-la’s Mactan Island Resort and Spa - Ang numero uno para nako nga lugar para sa kasal mao ang akong personal nga paborito, ang Shangri-la Mactan Island’s Resort and Spa. Daghan sila ug mga packages nga gi-offer. Pwede ka sa beach mismo, sa ilang ballroom o sa akong dream wedding nga venue, ang Ocean Pavilion, kung diin nag-atubang kini sa dagat. World class sad ang pagkaon ug ang serbisyo nga ilang gi-offer.
Planoha og Maayo!
Cecille Quibod Castro
Photo by: Rolando Pascua
Alang sa atong mga brides to be, dili kamo angay nga maguol ug ma-overwhelm sa pagplano sa inyong kasal. Makuti man kini ug mukaon gayud sa atong oras ug bulsa, apan makaingon ko nga makalingaw ang wedding planning. Usa ka adlaw lang kini sa atong tibuok kinabuhi busa pangandaman gayud kini aron mamahimo kining memorable dili lamang alang kanimo ug sa imong hinigugma apan lakip na sa imong mga kabanay ug higala. Ang akong sugyot kaninyo, gamita kining checklist aron masubay ang mga kinahanglang andamon para stress-free ka sa imong labing importanteng adlaw.
9-12 Months Before The Wedding
1. Pag-set og overall budget aron masubay ang mga wedding suppliers nga swak sa budget.
2. Pagpili og wedding date, lakip na ang schedule sa simbahan ug venue.
3. Mamahimong magbook na sa simbahan ug venue kung nakapili namo sa wedding date.
4. Paglista sa initial guests aron pagsuta sa gidaghanon sa mga mutambong ug gidak-on sa venue.
5. Pagkuha na og mga church requirements sama sa birth, baptismal ug certificate of no marriage ug uban pa.
6. Pag-research sa imong gustong gown, flowers ug theme.
(One year ko nagplano sa akong kasal busa nakahigayon ko pagcut-out ug pag-print sa mga pictures nga gusto nako sundon ug mao usab kini ang akong gipakita sa akong mga wedding suppliers).
6-9 Months Before The Wedding
1. Pagpili og wedding theme or color scheme nga buot nimong matuman sama sa beach inspired, modern, fairytale, cherry blossoms ug uban pa.
2. Han-aya na ang ilakip sa imong wedding entourage.
3. Duawa ang imong designer or mananahi aron masugdan na ang imong wedding gown ug ang sul-ubon usab sa imong groom, parents ug entourage.
4. Pag-hire og photographer, videographer, wedding planner, make-up artist ug florist.
(Sa higayon nga aduna kay gibook nga wedding supplier, hiposa ang mga contracts ug resibo sa downpayments sa usa ka folder or clearbook. Mao kini ang akong gibuhat para hapsay ang matag transaksyon).
4-6 Months Before The Wedding
1. Sugdi na ang pagpa printa sa wedding invitations.
2. Pagpili og muhimo sa cake, design niini ug ang delivery time.
3. Ihan-ay na ang menu ug ang set-up sa venue, diin ipahiluna ang bride and groom chairs, principal sponsors, entourage, cake stand ug uban pa.
4. Pag-set og schedule sa inyong photographer sa inyong prenuptial pictorials.
2-4 Months Before The Wedding
1. I-finalize ang guest list ug ipadala na ang wedding invitations.
2. Pag-first fitting sa imong gown lakip na ang imong groom ug entourage.
3. Pagpili sa imong gustong hair and make-up — sagad sa mga make- up artist mutanyag og trial makeup.
1-2 Months Before The Wedding
1. Pag-assign og readers, musician or choir, guestbook attendant, gift attendant.
2. Finalize sa music nga gamiton sa church ug venue.
3. Follow-up sa next fitting sa gown.
4. Follow-up sa imong photographer ug videographer kung natapos na ang prenup photos or video.
5. Mamahimong magpa-schedule og food tasting sa venue or caterer aron makapili og menu.
3-4 Weeks Before The Wedding
1.Final fitting na kini sa gown, barong or tuxedo ug ang sul-ubon pud sa entourage.
2.Hatagi og final head count ang venue o caterer.
3. Mamahimong mag-seating plan aron ang tanan, adunay lingkuranan ug dili magpangita-ay sud sa venue.
1-2 Weeks Before The Wedding
1. Aron mas han-ay ang payments sa mga suppliers, paglabel og mga envelopes alang sa ilang final payments.
2. Paghan-ay og wedding day schedule sama sa call time sa entourage ug suppliers.
The Day Before The Wedding
1. Relax day ang tawag niini busa pagpamasahe, manicure ug pedicure.
2. Pag-assign og masaligan nimo sa pagtunol sa mga final payment envelopes alang sa mga suppliers.
3. Ipa-deliver sa imong balay or hotel ang imong wedding gown ug uban pang senina.
4. Ihan-ay sa usa ka box ang mga butang nga kinahanglan sa church sama sa Bible, candles, matches.
Wedding Day
Always wear a smile on this day! Sigurado ko nga blooming gayud ang tanang brides taliwa sa ka busy sa wedding planning. Don’t forget to pray to God to bless your wedding day ug pagpasalamat usab kay kining kaminyuon, usa ka regalo gikan Niya.
Si Cecille Quibod ug Christopher Castro gikasal adtong December 26, 2011.