MANILA, Philippines - Mapapanood na sa MYX channel ang award-winning bio-pic ng The Dawn na pinamagatang Tulad ng Dati. Ito ay ipalalabas sa Huwebes (Dec. 13, 9 p.m.) with replays on Friday (Dec. 14), 10 a.m.; Sunday (Dec. 16), 9 a.m. and Monday (Dec. 17), 8 p.m.
Ang Tulad ng Dati ay kuwento tungkol sa pinagdaanan ng The Dawn bago nila naabot ang tagumpay.
Ang long-time fan ng The Dawn na si Mike Sandejas ang nagdirek ng indie film na naging daan para muling umangat ang career ng banda na 26 years na sa music industry.
Bida sa bio-pic sina Ping Medina, Agot Isidro, Mylene Dizon, Raffy Francisco. May cameo role naman si Karl Roy. Sina Francis Reyes at Buddy Zabala ang gumawa ng musical score ng Tulad ng Dati. The movie also reminds audiences of The Dawn’s anthemic hits such as Enveloped Ideas and Salamat.
Tulad ng Dati won best picture sa Cinemalaya 2006 at naging official entry sa Pusan and Hawaii Film Fest at binigyan din ng parangal sa Gawad Urian noong 2007.
Ang The Dawn ay binubuo nina Jett Pangan on vocals, Buddy Zabala on bass, JB Leonor on drums, and Kenneth Ilagan on guitar. Ilalabas ang kanilang 15th album sa 2013.