CEBU, Philippines - Ilusad karong udto sa ASAP 2012 ang ABS-CBN summer station I.D. nga giulohan og “ Pinoy Summer Da Best Forever.” Sila si Gerald Anderson ug Sarah Geronimo ang miawit niini.
Babaye anak ni Katrina
Batang babaye ang gisabak ni Katrina Halili. Kini suma pa sa tweet ni Kris Lawrence adtong Biyernes sa gabii. Si Lawrence maoy amahan sa gimabdos ni Katrina.
Superstar tua na sa Tawi Tawi
Tua na sa Tawi Tawi ang superstar nga si Nora Aunor ug ang director nga si Brillante Mendoza kauban ang iyang staff and crew alang sa shooting sa pelikulang Thy Womb. Karong adlawa musunod sila si Bembol Roco, Lovi Poe ug Mercedes Cabral alang sa shooting nga gitakda hangtud April 30. Si La Aunor maoy bida niini.
Loyal si Aljur
Bisan walay regular project karon sa Kapuso Network, giklaro ni Aljur Abrenica nga pabilin ang iyang loyalty sa network. Bisan og wala matud pa siya’y show karon, busy siya sa mga out of town shows, diin gibansay matud pa sila sa GMA-7 nga makighugoyhugoy sa publiko.
PNoy ug Grace target ni Ogie
Si PNoy ug Grace Lee ang target ni Ogie Alcasid nga mamahimong guest sa ilang umaabot nga show ni Michael V. sa GMA-7 nga magsugod karong Mayo, ang “Pare and Pare.” Late night talk show matud pa kini nga may big band. Si Senator Mirriam Defensor Santiago pud ang gusto ni Michael V.
Lipad ng Pangarap
Dream come true gyud para ni Angeline Quinto ang naka-duet niya ang iyang idolo nga si Asia’s Songbird Regine Velasquez sa awit nga “ Lipad ng Parangarap” nga naa sa iyang second album, ang ‘Fall In Love Again,” nga nag-number one na sa Astroplus Record Bars. Makahuluganon pa gayud ni niyang maong kanta kay kanunay matud pa ni kining giawit ngadto sa iyang inahan niadtong nangandoy pa lamang siya mamahimong singer.
Dili mag-senador
Gihimakak ni Senator Bong Revilla ang migawas nga tsika nga magpapili pagka senador sunod tuig ang iyang asawa nga si Rep. Lani Mercado sa piniliay sunod tuig. Suma pa ni Bong, dili maayong tan-awon nga sila nang magtiayon ang anaa sa senado. Hayan sa 2016 na matud pa mulansar si Lani, human sa termino ni Bong.