Dapat lang naman na maraming artista ang bumuo sa grupo na magrerepaso ng mga pelikula na ipalalabas sa sinehan at mga napapanood sa TV.
Sila ang higit na nakakaalam kung ano ang dapat panoorin sa malaki at maliit na screen bagaman at naniniwala ako na dapat ay may makasama rin silang non-showbiz para naman maging makatarungan ang gagawin nilang paghusga sa mga susuriing palabas.
Ang chairman ng Movie & Television Review and Classification Board (MTRCB), Grace Poe Llamanzares, ay nagpapakita ng malawak na pang-unawa at pagtanggap sa mga pelikula at palabas sa TV na dumaraan sa kanyang opisina.
Ilan sa mga artista na napili na para umupo bilang miyembro ng MTRCB ay sina Gladys Reyes, Liezl Martinez at Bobby Andrews.
Vic inayawan si Toni
Sayang dahil magkalaban na sila tuwing tanghali sa TV dahil nagsimula na kahapon ang noontime show ng ABS-CBN na direktang makakatapat ng Eat Bulaga kung kaya si Vic Sotto na raw mismo ang nagpasya na huwag nang ituloy ang pelikulang pagsasamahan sana nila ni Toni Gonzaga.
Nakakahinayang dahil kahit na pinaplano pa lamang ito ay magagandang feedbacks na ang nakukuha ng both parties.
Drama Princess ikakasal na sa hot showbiz boyfriend
Hindi buwan ng kasalan ang Pebrero pero siguro dahil buwan ito ng mga nag-iibigan kung kaya ang mga balita mamayang hapon sa Showbiz Central ay tungkol sa mga naganap na marriage proposals at ang napipintong pagpapakasal ng ilang celebrities natin.Tulad ni Kyla na may exclusive photos sa ginanap na proposal sa kanya ng kanyang sikat ding boyfriend na isang baskebolista.
Ikakasal na rin daw ang isang drama princess sa kanyang hot showbiz boyfriend. Nakunan nga ba ang dalawa habang binibigyan ng soon to be groom ng singsing ang kanyang gustong maging bride?