CEBU, Philippines - Matud pa sa usa ka tinubdan sa Pang Masa nga tsugihon na sa dili madugay ang Daisy Siete sa GMA-7 , ug giingong tiwason na lang ang latest nga episode niini nga Adam or Eve nga magsugod na ugma sa hapon. Matud pa nga napalit sa Viva Films ang timeslot sa Daisy Siete ug giingong ipasalida ang mga karaang pelikula sa nahisgutan nga movie outfit.
Pidol’s Wonderland hukman na
Karong gabii na masaksihan ang sitcom sa King of Comedy nga si Dolphy sa TV 5 nga Pidol’s Wonderland. Gipaniguro ni Dolphy sa iyang mga fans nga dili lang puros katawa ang unod sa maong programa sanglit daghan usab og maayong mga pagtulun-an ang mahagpat niini.
Ambotsa gilusad na
Gilusad na sa Rivermaya ang music video sa ilang latest song nga “Ambotsa” nga nalakip sa ikaduha nila nga album nga nag-ulohan og “Closest Thing to Heaven” . Nasayran nga nalakip usab sa maong video ang bag-o nila nga bokalista nga si Jayson Fernandez.
Enchong way planong magpa-sexy
Nangugat gyud sa pag-ingon ang Kapamilya star nga di gyud siya magpa-sexy atubangan sa kamera kay kontento na siya sa dagan sa iyang career ilabi na nga nagkakusog og maayo ang serye niya nga Tanging Yaman. Tsika pa ni Enchong nga di niya barawon ang nasugdan na nila nga chemistry ni Erich Gonzales nga maoy hinungdan nga misikat siya og maayo. (Sanden J. Anadia)