MANILA, Philippines - Bida si Lady Gaga sa production number niya sa 52nd Annual Grammy Awards noong Linggo sa Los Angeles, California. Nakuha rin niya ang best dance recording at best electronic dance album awards.
Si Taylor Swift naman ay humakot ng tatlong tropeo: Album of the year at country album para sa Fearless, at female country vocal performance para sa White Horse.
Tatlo rin ang nakuha ni Beyoncé Knowles: Song of the year ang Single Ladies (Put a Ring on It), female pop vocal performance siya sa Halo, at R&B Song awardee ang Single Ladies.
Masayang nag-pose sa mga photographers ang grupong The Black Eyed Peas dahil humataw sa kanilang best pop vocal album, best short form music video, at best pop performance by a duo or group awards. (AP)