MANILA, Philippines - Bago ang pagtatapos ng Pieta, ibinahagi ni Krista Ranillo ang mga kapilyuhan ng kanyang mga kasamahang artista sa April issue ng Maxim.
Si Krista, ngayo’y kolumnista sa nasabing men’s magazine, ay nagbigay pugay sa kanyang mga co-stars sa isang seksing paraan. Ibinahagi niya ang ilan sa mga katanungang ibinato ng kanyang mga kasamang artistang lalaki na sina Ryan Agoncillo, singer-actor Lance Raymundo, at ang beteranong aktor na si John Regala. Ito’y sinagot naman ng may halong kapilyuhan ng mga kasamahang artistang sina Lyka Ugarte, Jacq Yu, Nina Dolino na nakipag-mud wrestling kay Krista, at ang numero unong kontrabida ng bansa na si Ms. Cherie Gil.
Gusto mo na bang malaman ang mga seksing sagot ng mga kababaihan ng Pieta? Buksan ang kopya ng Maxim na si Mocha ng Mocha Girls ang nasa seksing cover!