Adunay nakakita nila ni Jean Garcia ug Polo Ravales nga nanan-aw og sakyanan sa usa ka car showroom sa Quezon City. Mao kini ang hinungdan nga gipangutana sa PangMasa ang actress atol sa selebrasyon sa adlaw’ng natawhan niini sa miaging Agosto 22 kung tinuod ba ang gibutyag sa usa ka source nga nakakita nila. Ug wala nila kini gi-deny. Matod pa tinuod nga namili sila og sakyanan apan wala gibutyag sa duha kung kinsa ang hatagan nila sa maong butang.
“Actually, kotse ang regalo sa akin ni Polo!” nagkatawa nga namulong si Jean. “Ang ganda ko naman masyado, ’di ba? Kotse na ang nireregalo sa lola n’yo!”
Wala gyud gibutyag ni Jean kung kinsa ang hatagan ni Polo sa maong sakyanan. “Pero kung para kanino ay ’di ko na sasabihin. Who knows na baka para pala sa akin o para kay Polo. Kailangan lang namin ng opinion ng bawat isa kung tama ba yung kotse o hindi. Yun lang naman ’yon.”
Midugang pa usab og sulti si Jean nga very close lang gyud sila sa actor ug kung naa siyay ganahan nga paliton, iya pa kini isugyot ngadto kang Polo.