Hindi mapuputol ang friendship nina Rufa Mae Quinto, Candy Pangilinan, Pokwang at Eugene Domingo na na-develop sa shooting ng Apat Dapat Dapat Apat sa showing nito sa October 10. Magsasama-sama rin sila sa remake ng Working Girls na ididirek din ni Wenn Deramas sa Viva Films pa rin.
Sabi ni direk Wenn sa presscon ng Apat Dapat Dapat Apat, kundi November o December, sa January next year niya sisimulan ang shooting ng spoof ng hit movie ni Ishmael Bernal na ang magiging title ay Working Girls ‘08.
Gagawing mas comedy ng director ang remake, pero ‘yun pa rin ang eksena. Pagalingan na lang sina Rufa Mae, Candy, Pokwang at Eugene sa delivery ng punchline. Balak isama ni direk Wenn sa cast sina K Brosas, Gladys Guevarra (kaya lang buntis daw), Janelle Jamir at Jaya, kung papayag ito. Bago ang regular showing, may celebrity premiere ang Apat Dapat... sa Podium mamaya at sa Oct. 9 sa SM Megamall ang premiere night.
* * *
Nakakatuwa si Rufa Mae Quinto dahil ipinasa kay Paolo Bediones ang pressure sa pagho-host ng Whammy! Push Your Luck! na magpa-pilot mamaya sa GMA-7 bago ang 24 Oras. Mas career daw ng binata ang game show at siya ay ngayon lang susubok.
“Never in my wildest dream inisip na magho-host ako ng game show. Nag-extra effort ako para magawa ko ito ng tama. Nakipag-bonding ako kay Paolo, sa director at writers at nag-research ako. Nagpraktis din akong magsalita ng mabilis,” tsika ni Rufa Mae.
Gusto lang magpasaya at magbigay ng kabuhayan sa viewers ang dalawa at hindi sila after sa title na King and Queen of Game Show.
Sabi ni Paolo: “I don’t know if the title is for grab. Ang importante, meron kang trabaho. Exciting dahil parehong genre ang Whammy! sa katapat naming show. Magpapagalingan na lang kami at ang viewers ang makikinabang.”
* * *
Masayang aalis bukas si Billy Crawford dahil successful ang kanyang It’s Time concert last Saturday. Umiyak ito sa tuwa nang kantahin ang kanyang last song at pati ama ay naiyak dahil noon lang siya napanood.
Sa concert namin napatunayang maraming fans na bata si Billy na sumabay makisayaw. Ang iba’y ginaya ang costume niya at nakiki-sing-along. Mas alam nila ang karamihan sa kinanta nito ha!
Enjoy sa panonood si Frank Garcia kaya hindi niya alam, nadikwat na pala ang kanyang cellphone. Sabi nito, hindi raw bale na nawala ang cellphone niya, basta napanood niya si Billy. Babalik daw ang Fil-Am performer at marami pa itong gagawin dito.