Sexy actor, nakuha for P10 thou ng designer
SHOWBIZ DRIBBLE - Salve V. Asis () - November 19, 2002 - 12:00am
Naka-one night stand ng isang well-known designer ang isang sexy actor for P10,000. Yes folks! Ayon sa isang source ng Baby Talk, matagal nang crush ng nasabing designer ang sexy actor kaya naghanap siya ng common friend nila na puwedeng maging bridge para maging close sila. True enough. Nag-succeed sila sa mission, naging close sila ng actor hanggang mapapayag niya itong makasama for one night.

Na-recognize na ng mga kritiko ang acting ng sexy actor na ‘to sa kanyang previous project. Samantalang ang designer na involve ay favorite ng mga moviestars.
*****
Nagsayaw pala ng naked si Jordan Herrera sa despedida de soltera ng anak ng isang TV host two years ago, with matching shower scene sa Discovery Suites.

Walang humpay at panay daw ang dikit ni Jordan sa mga guest ng may shower party na panay naman daw ang tilian.

Well, unti-unti nang lumalabas ang totoong pinanggalingan ni Jordan kaya hindi na niya kailangang mag-change ng image. Gusto raw kasi ng isa sa maraming manager ni Jordan na i-build up na another Aga Muhlach si Jordan. Please... Hindi siya puwedeng another Aga dahil sa background niya. ‘Yun lang closeness niya ng isang gay singer na feeling manager din niya ay negative sign na.
*****
In a way, institution na rin sa TV ang Digital LG Quiz ng GMA 7, aired every Sunday, 10:00 to 11:00 a.m. Sa kanila na-feature ang ilan sa best and brightest whiz kids sa bansa hosted by quizmasters Paolo Bediones and Regine Tolentino na kasabay ng launching ng Circle of Wizard Kids ay binigyan ng recognition.

Actually, excellent choice ang dalawa as host ng quiz show kaya siguro nagtagal ang show. Bukod sa pareho na silang kilala sa entertainment scene, Paolo is a top ten graduate of Interdisciplinary Studies sa Ateneo de Manila University. Samantalang si Regine, siya ang first MTV Asia’s VJ at recipient ng "Gintong Ina Award" for Entertainment and Business.

Ang Digital LG Quiz ay original concept-driven game show presented in quiz format. Meron itong five segments - Password, Picture, Think-Tac Toe, Blockbusters and Megabytes.

Ito rin ang kauna-unahang local TV na digital production.

Umabot na sa halos P10 million ang kanilang naipamigay - cash scholarship funds and products sa kanilang weekly, monthly, quarterly and grand champions. Ang grand champion no’ng 2000 na si Bryan Lagason at Andrew John Lena (2001) ay parehong nasa University of the Philippines.

Kaya naman, consistent ang nomination nila sa Star Awards for TV. Last year lang sila nanalo - Best Game Show and Best Game Show Host as well.

This year the show gained another award nang ipagkaloob sa kanila ang Anak TV Seal ng Southeast Asian Foundation for Children’s Television (SEAFCTV). Na-acknowledge sila as People’s Choice for Family Friendly, TV Programs.

Nasa ika-fourth year na ang Digital LG Quiz.
*****
Here’s an e-mail mula sa dalawang web reader ng PSN:

Dear Ms. Asis,

Hindi ko alam kung sa iyo ko nga gustong iparating ang mga opinion para sa ating mga bida sa pelikula tulad nina FPJ at Eddie Garcia. Sila ang mga tinatawag na nating institution sa larangan ng sining o pelikula. Ngunit ang nakakainis ay sa trend ngayon na tila napapansin kong habang sila ay patanda nang patanda eh pabata nang pabata naman ang kanilang leading lady. Tulad na lamang ng napanuod ko rito sa Libya ang pelikula ni FPJ na Ayos Na Ang Kasunod with Ara Mina. Diyos mio eh halos anak na lamang ni FPJ si Ara sa tingin ko. Pati si Eddie Garcia ay patuloy pa rin ang pagpapartner sa mas batang leading lady. Tuloy naiisip ko na dumadami ang DOM sa pelikula at hindi lang dito pati na rin sa tunay na buhay. Ibig bang sabihin nito ay tanggap na ng lipunan natin ang maging partner ng nakakabatang mga babae ang mga may edad na lalaki? Bumababa tuloy ang tingin ng iba sa mga may edad na tulad nila. Sana bigyan mo ng space ang ganitong topic sa pitak mong showbiz. Ano sa tingin mo, bagay bang ituloy-ituloy nila ang trend na ganito sa Philippine cinema? Si Eddie mas matanda pa pala kay Clint Eastwood na 72 years old na pero hindi ganito ang trend ng pelikula sa US na pinapartner ang mga tulad ni Clint sa leading ladies na mga bata. Ano bang mga scriptwriter natin hindi ba nila nakikita ang mga mala-laking gap ng edad ng leading man at leading ladies? Siguro si Rica mapi-pair din kay FPJ o kay Eddie sa mga susunod pang pelikula or si Assunta. Grabe naman ang isip ng scriptwriter. Ito lamang at thank you for giving me the opportunity to air my opinion.

Thanks,
Arthur
*****
I agree with you, malaki ang nagagawa ni Edu sa Kay Tagal Kang Hinintay. I think kung mayroon mang da-pat tanggalin iyon ay si John Estrada. Hindi si-ya pang leading man material at saka lagi niyang binubulong ang dialogue. Parang hindi realistic iyong pagpili ni Lorea kay Boris over Henry. Mas mukhang leading man naman si Edu kaysa kay John. Parang hindi na tuloy makatotohanan ang story.

Ricky Fernando


San Francisco Ca.
*****
Sa first letter, ‘yun kasi ang trend ngayon dito. Kailangang may sexy star na kasama let say sa isang action movie. Pang-attract kasi ‘yun ng moviegoers.

Sa second letter, hindi lang si Ricky ang nag-agree sa opinion ko last Saturday (Babytalk dated Nov. 16). Kasi nga very impressive ang acting ni Edu sa Kay Tagal Kang Hinintay.
*****
Salve V. Asis’ e-mail - psnbabytalk@hotmail.com / sva@i-next.net

AGA MUHLACH ANDREW JOHN LENA CENTER EDDIE GARCIA EDU KAY TAGAL KANG HININTAY
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with