Si Claudine pa rin ang reyna ng teleserye !

Pagkatapos ng dalawang magkasunod na teleserye hit, Mula Sa Puso at Saan Ka Man Naroroon, muli na namang tampok si Claudine Barretto sa bagong programa ng ABS-CBN, Sa Dulo Ng Walang Hanggan. Wala na ngang duda na si Claudine pa rin ang reyna ng teleserye.

Marami ang nagulat nang si Claudine rin ang pinili ng ABS-CBN na gumanap na bida sa bago nitong teleserye. Pagkatapos maging Via sa Mula Sa Puso at Rosario, Rosemarie at Rosenda sa Saan Ka Man Naroroon, di nila inaakalang kay Claudine pa rin mapupunta ang naturang project. Ngunit pagkatapos ng unang linggong ito sa ere ay kitang-kitang sabik pa rin ang mga tao na mapanood si Claudine. Mahirap na talagang mapantayan pa ang three-in-a-row record ng teleserye queen.
Nag-uumpisa pa lang ang bagong teleserye sa pangunguna ng teleserye queen na si Claudine Barretto, malabo nang mahigitan o mapantayan man lang ito.

Abangan si Claudine sa kanyang pelikula kasama si Rico Yan sa direksyon ni Ms. Olive Lamasan at subaybayan 6:30 gabi-gabi sa Sa Dulo Ng Walang Hanggan!