MANILA, Philippines — Wasak ang store vault at wala na itong laman nang madiskubre ng mga crew staff at manager ng isang convenience store kahapon ng umaga sa Brgy. Hugo Perez Trece Martires City,Cavite. Natangay ng hindi pa mabatid na mga miyembro ng akyat bahay gang ang may mahigit sa P230k laman ng store vault na pinasok at pinagnakawan
Sa ulat ng pulisya, alas-8:35 ng umaga nang madiskubre ng staff manager ng Dali Convenience store na napasok ito ng mga magnanakaw.
Sa pagsisiyasat ng pulisya, sinira ng mga kawatan ang bubong ng nasabing grocery at dito dumaan.
Pinutol din ng mga suspek ang electric supply dito kung kaya nasira ang mga cctv. Nalimas ang laman ng store vault na nagkakahalaga ng P238, 772.75 at sa likurang bahagi ng tindahan dumaan ang mga suspek.