Trader huli sa mga baril at bala
CAMP OLIVAS, Pampanga, Philippines — Isang negosyante ang inaresto matapos masamsaman ng iba’t ibang klase ng baril, bala at droga sa search operation sa kanyang bahay sa bayan ng San Ildefonso.
Sa ulat na nakarating kay Col. Jay Cumacad, Deputy Regional Director for operations, nagsagawa ang raiding team na armado ng search warrant na inisyu ng Regional Trial Court Branch 80-Malolos City at dito ay naaresto ang suspek na si Rico Irabagon, ng Barangay Anyatam na may poultry business.
Nakumpiska kay Irabagon ang iba’t ibang mga baril at bala, hand grenade fragmentation at isang medium-sized plastic na naglalaman ng 12 sachets ng suspected shabu.
Nabatid na ang suspek ay miyembro umano ng criminal group na “Lorenzana CG” na sangkot sa gun-for-hire, gun-running, robbery, smuggling at illegal drug activities.
- Latest
