CABANATUAN CITY, Nueva Ecija, Philippines — Patay ang isang 57-anyos na negosyanteng lalaki makaraang barilin ng riding-in-tandem na lulan ng motorsiklo habang papasok sa compound ng kanyang bahay sa Barangay Pula ng lungsod na ito, Linggo ng umaga.
Kinilala ng Cabanatuan City Police ang biktima na si Elmer Reyes, 57, isang biyudo ng Purok 5 ng nasabing barangay.
Nabatid sa pulisya na alas-8:25 ng umaga, nagmamaneho ang biktima ng kanyang mini Sedan na Honda Fit at papasok na sa compound ng kanilang bahay nang sabayan umano ng dalawang lalaki sakay ng isang motorsiklo.
Napag-alaman na ang angkas umano sa motorsiklo ang bumunot ng baril at pinagbabaril sa iba’t ibang bahagi ng katawan ang biktima hanggang sa bawian ng buhay.
Agad na tumakas sa hindi pa batid na direksyon ang dalawang suspek matapos mapuruhan ang biktima.