Non-essential travels sa Baguio City sinuspinde
BAGUIO CITY, Philippines — Kasabay ng matinding paghihigpit sa ipinatutupad na community quarantine sa Metro Manila at iba pang lugar dahil sa COVID-19, iniutos ni Baguio City Mayor Benjamin Magalong na pansamantalang suspindihin ang lahat ng “non-essential travels” o hindi importanteng biyahe papasok sa lungsod.
Sa kanilang inilabas na travel restriction advisory nitong Biyernes ng hapon, sinabi ni Magalong na ang mga biyahero na may “indispensable purposes” lamang ang kanilang tatanggapin sa Baguio City.
Ito aniya ay upang maiwasan ang matinding posibilidad na magkaroon ng pagtaas ng kaso o matinding hawaan sa COVID-19 at sa kinatatakutang Delta variant kasunod ng paglagay ng Inter-Agency Task Force (IATF) sa mas mataas na community quarantine restrictions sa National Capital Region (NCR) at sa iba pang lugar na ikinokonsiderang “high risk”.
“We will not be allowing non-APORs (Authorized Persons Outside Residence) to Baguio City regardless of origin,” pahayag ng alkalde.
Ang pagpapatupad sa paghihigpit laban sa non-essential travels sa Baguio City ay epektibo kahapon, Hulyo 31 na magtatapos ng isang linggo.
Ang isang linggong ban sa mga travellers ay maaari ring mapalawig, paliwanag ni Magalong, kapag hindi umano na nasawata ang hawaan ng COVID-19 sa mga high risk areas sa bansa.
- Latest