P1.2 bilyong droga winasak ng PDEA sa Cavite
MANILA, Philippines — Winasak ng Philippine Drug Enforcement Agency (PDEA) at Philippine National Police (PNP) ang may ?1,295,050,354.65 halaga ng mga ilegal na droga sa Integrated Waste Management, Inc. (IWMI) sa Brgy. Aguado, Trece Martires City, Cavite kahapon.
Pinangunahan nina PDEA Director General Wilkins Villanueva at PNP chief Gen. Guillermo Eleazar ang pagsira sa pamamagitan ng “thermal decomposition” sa may kabuuang 912,685.73 gramo ng assorted na piraso ng drug evidence na binubuo ng methamphetamine hydrochloride o shabu, toluene, marijuana, cocaine, MDMA (Methylenedioxymethamphetamine) o ecstasy, pseudoephedrine, ephedrine, opium, diazepam, nitrazepam, alprazolam, methylephedrine, ketamine, methylphenidate at expired medicines; at liquid shabu, at GBL (Gamma-Butyrolactone) na tumitimbang ng 102,680 ml.
Base sa consolidated report ng PDEA Laboratory Service, kabilang sa mga winasak ay 133,134.40 gramo ng shabu, na may estimated street value na ?905,313,916.00; 102,330 ml ng liquid shabu na nagkakahalaga ng ?208,753,200.00; 10.10 gramo ng toluene na nagkakahalaga ng ?1,066.16; 504,198.96 gramo ng marijuana na nagkakahalaga ng ?60,503,863.34; 3,585.40 gramo ng cocaine na nagkakahalaga ng ?19,002,638.55; 4,131.34 gramo ng MDMA na nagkakahalaga ng ?28,319,696.77; at 209,584.30 gramo ng pseudoephedrine na nagkakahalaga ng ?72,432,334.08.
Winasak din ang may 122.48 gramo ng ephedrine (?612,400.00); 30.26 gramo ng diazepam (?2,345.15); 65.93 gramo ng nitrazepam (?1,401.10); 30.23 gramo ng alprazolam (?642.39); 49.69 gramo ng methylephedrine (?79,504.00); 4.50 gramo ng ketamine (?27,346.50); 350 ml ng GBL; 6,090.50 gramo ng opium; 0.42 grams ng methylphenidate; at 50,000.00 gramo ng expired medicines.
Si Cavite Governor Juanito Victor “Jonvic” C. Remulla, Jr., ang guest of honor at speaker, sa naturang seremonya. Na sinaksihan ng mga key officials ng PDEA, local officials ng Brgy. Aguado, Trece Martires City, kinatawan ng PNP at iba pang law enforcement agencies, Department of Justice (DOJ), at Department of the Interior and Local Government (DILG), non-government organizations (NGOs) at media partners.
- Latest
