Senglot nag-dive sa irigasyon, tepok

SANTIAGO CITY, Isabela, Philippines — Isang sinasabing lasing na lalaki ang nasawi matapos tumalon sa irigasyon sa Purok 5, Barangay Rizal ng lungsod na ito kamakalawa ng gabi.

Kinilala ng Santiago City Police ang nasawi na si Jerome Alnajes, 30, residente ng Rufino Roque Village sa nabanggit na lugar.

Batay sa imbestigasyon, nakainom umano ang biktima at nakita pang tumalon sa natu­rang irigasyon dakong alas-3:00 ng hapon.

Agad naman na nagtulung-tulong ang mga residente para sagipin ang biktima subalit hindi agad nakita dahil sa lalim at malakas na agos ng tubig.

Dakong alas-8:00 ng gabi nang makita ang wala nang buhay na katawan ni  Alnajes na sinasabing may problema rin umano sa pag-iisip.