SAN ISIDRO, Nueva Ecija, Philippines — Isang lalaki na hinihinalang biktima ng summary execution ang natagpuan ng mga dumaraang motorista sa tabi ng kanyang improvised tricycle sa kahabaan ng Gov. Joson Provincial Road na sakop ng Purok 2, Barangay Tabon ng bayang ito, noong Linggo ng gabi.
Ayon sa San Isidro Police, itinawag sa kanilang istasyon ng isang dumaraang motorista ang pagkakakita nito sa hindi na humihingang lalaki, dakong alas-8 ng gabi.
Sa ulat, nakitaan ng pulisya na ang biktima ng sugat sa ulo, likod at kanang braso habang nakahandusay sa tabi ng isang kulay itim na Honda HBR na motorsiklo na may plakang 3527-UN at nakakabit sa isang improvised sidecar.
May nakita rin umano sa tabi ng katawan ng biktima na dalawang piraso ng plastic sachet ng umano’y shabu.
Inilarawan ng pulisya na ang lalaki ay nasa 30-35 taong gulang, katamtaman ang pangangatawan, 5’5”-5’7” ang taas, kayumanggi at nakasuot ng itim na t-shirt, stipe shorts at sumbrerong asul.