3 lalaki inambus, niratrat sa Rizal
MANILA, Philippines — Tatlong lalaki ang nasa maselang kalagayan sa ospital matapos silang tambangan at pagbabarilin ng dalawang suspek habang naglalakad pauwi sa kanilang tahanan sa Rodriguez, Rizal kahapon ng madaling araw.
Ang mga biktima na kinilalang sina Laurence Villamor, Angelo Rovelo at Abu Rumasasa ay nilalapatan na ng lunas sa East Avenue Medical Center dahil sa mga tama ng bala sa iba’t ibang bahagi ng kanilang katawan.
Tinutugis naman ng mga awtoridad ang mga suspek sa krimen na nakilala lang sa mga alyas na “Bato” at “Golem”.
Batay sa ulat, dakong alas-2:30 ng madaling araw, kasalukuyang naglalakad sa may Phase 1E, Kasiglahan Village, Brgy. San Jose ang mga biktima pauwi na sa kanilang tahanan nang bigla na lang silang pagbabarilin ng mga nakaabang na suspek.
Nang inakalang napuruhan ang mga biktima, mabilis nang tumakas ang mga suspek patungo sa direksiyon ng Brgy. San Isidro, Rodriguez.
- Latest
