Trahedya sa parada ng BFP: Rider pisak sa firetruck
GENERAL SANTOS CITY, Philippines — Dead-on-the-spot ang isang lalaking motorista matapos siyang matumba sa kalsada at masagasaan ng dumaraan na firetruck ng Bureau of Fire Protection (BFP) sa kasagsagan ng kanilang parada sa Barangay Calumpang ng lungsod na ito kamakalawa.
Nakilala ang biktima na si Neceforo Pulvinar Jr., nasa tamang edad at residente ng Brgy. Labangal.
Sa pagsisiyasat ng Traffic Management Unit, nagsasagawa ng parada ang BFP-GenSan sa unang araw ng Marso para sa Fire Prevention Month nang biglang mawalan ng balanse ang biktima at natumba kung saan tiyempong dumaan ang firetruck at ito ay nasagasaan.
Nakaangkas pa sa motorsiklo ang asawa ng biktima at masuwerteng nakaligtas mula sa insidente. Malaking pinsala naman sa ulo ang tinamo ng biktima na dahilan ng agaran nitong pagkasawi.
Nasa kustodya na ng pulisya ang driver ng firetruck na si FO1 Mario Fuentes Jr. na nakadestino sa GenSan Fire Station.
- Latest